চিৰ বিদায় ওস্তাদ তবলাবাদকৰ, পাছে জানেনে পত্নীৰো বিশ্বজুৰি সুনাম আছে সাংস্কৃতিক জগতত
বিশ্ববিখ্যাত তবলা বাদক আৰু সুৰকাৰ ওস্তাদ জাকিৰ হুছেইনে পৰিয়াল তথা সকলো অনুৰাগীকে শোক সাগৰত ডুবাই চিৰ বিদায় মাগে। কালি ২০২৫ চনৰ ১৫ ডিচেম্বৰ তাৰিখ দেওবাৰে আমেৰিকাৰ হাস্পতালত শেষ নিশ্বাস ত্যাগ কৰে ৭৩ বৰ্ষীয় শিল্পীগৰাকীয়ে।
কালি হৃদযন্ত্ৰ সম্পৰ্কীয় গুৰুতৰ স্বাস্থ্য সমস্যাৰ বাবে জাকিৰ হুছেইনক চিকিৎসালয়ত ভৰ্তি কৰোৱা হৈছিল। কিংবদন্তী সংগীতজ্ঞজনত আমেৰিকা যুক্তৰাষ্ট্ৰৰ চান ফ্ৰান্সিস্কোৰ এখন চিকিৎসালয়ত ভৰ্তি কৰা হৈছিল। কিন্তু নিশালৈ মৃত্যু ঘটে তেখেতৰ।
নিজে সমগ্ৰ বিশ্বতে তবলাৰে জিলিকি উঠা জাকিৰ হুছেইনৰ পত্নীয়ো এগৰাকী অন্যতম শিল্পী। হুছেইনে কথক নৃত্যশিল্পী এণ্টোনিয়া মিনেকোলাৰ সৈতে বিবাহপাশত আৱদ্ধ হৈছিল। এণ্টোনিয়া গুছেইনৰ মেনেজাৰো আছিল। দুয়োজনে ১৯৭৮ চনত বিবাহপাশত আৱদ্ধ হৈছিল আৰু দুয়োৰে আনিছা কুৰেছি আৰু ইছাবেলা কুৰেছি নামৰ দুগৰাকী কন্যা সন্তানো আছে।
স্বামী জাকিৰ হুছেইনৰ পত্নী এণ্টোনিয়াও দেশ-বিদেশত নিজৰ নৃত্য প্ৰতিভাৰে জিলিকি আছে। কেৱল দেশতেই নহয় সমগ্ৰ বিশ্বৰে বহু ঠাইত নৃত্য প্ৰদৰ্শন কৰিছে এণ্টোনিয়াই। এণ্টোনিয়া যদিও ভাৰতীয় শাস্ত্ৰীয় নৃত্যশিল্পী, কিন্তু তেখেত জন্মসূত্ৰে ভাৰতীয় নাছিল। তেখেত ইটালিয়ান-আমেৰিকান নাগৰিক। কিন্তু ভাৰততে নৃত্য শিকি ভাৰতৰে জাকিৰ হুছেইনৰ লগত বিবাহ পাশত আৱদ্ধ হৈ ভাৰতীয় হৈ পৰে। বৰ্তমানে তেখেত এগৰাকী নৃত্য শিক্ষয়ত্ৰী।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
