বাজেটত বিত্তমন্ত্ৰীয়ে নতুন আয়কৰ ব্যৱস্থা (New Income Tax Slab)ক লৈ কৰা কেইটামান ঘোষণাত স্বাস্তি পাইছে মধ্যবিত্তই৷ ১২ লাখ টকা পৰ্যন্ত আয়ত শূন্য টেক্সৰ সিদ্ধান্ত লৈছে বিত্তমন্ত্ৰী নিৰ্মলা সীতাৰমণে৷ বিত্তমন্ত্ৰীয়ে লোৱা এই সিদ্ধান্তই দেশৰ মধ্যবিত্ত আৰু বেতনভূগি প্ৰায়সংখ্যকেই উপকৃত কৰিব৷ মাহিলী ১ লাখৰ ভিতৰত ইনকাম কৰা প্ৰতিজন ব্যক্তিয়েই ইয়াৰ পৰা উপকৃত হ’ব৷ কিন্তু ১২ লাখলৈকে আয়কৰ শূন্য হ’লেও ৮-১২ লাখৰ ভিতৰত আয় কৰা ব্যক্তিৰ বাবে ১০শতাংশ টেক্সৰ কথা উল্লেখ আছে বাজেটত৷ কি এই ১০শতাংশ টেক্স?
বাজেটত কি এই ১০ শতাংশ টেক্স?
নতুন আয়কৰ ব্যৱস্থাত বাৰ্ষিক ১২লাখৰ ভিতৰত আয় কৰা লোকৰ ভিতৰত যিসকলে মাহিলী ৭৫ হাজাৰ টকাৰ ষ্টেণ্ডাৰ্ড ডিডাকছন হিচাপত আয়ৰ ওপৰত কোনো কৰ দিব নালাগে৷ যদিও চৰকাৰৰ ছচিয়েল মিডিয়াত দিয়া পৰিসংখ্যাত কোৱা হৈছে যে ৪লাখ টকা পৰ্যন্ত ০শতাংশ টেক্স, ৪লাখৰ পৰা ৮লাখ টকাৰ ভিতৰত ইনকাম কৰা লোকৰ বাবে ৫শতাংশ টেক্স আৰু ৮লাখৰ পৰা ১২ লাখৰ ভিতৰত ইনকাম কৰা লোকৰ বাবে ১০শতাংশ টেক্স৷ ১২লাখৰ পৰা ১৬লাখ বাৰ্ষিক ইনকামৰ ওপৰত ১৫শতাংশ টেক্স ১৬ লাখৰ পৰা ২০লাখৰ ভিতৰত ইনকাম কৰাসকলৰ বাবে ২০শতাংশ টেক্স, ২০ৰ পৰা ২৪লাখৰ ভিতৰত ইনকাম কৰাসকলৰ বাবে ২৫শতাংশ কৰ ধ্যাৰ্য কৰা হৈছে ২০২৫-২০২৬ৰ বাজেটত৷
এই হিচাপ দেখিয়েই সামাজিক মাধ্যমত বহুজনেই প্ৰশ্ন কৰিছে, বাৰ্ষিক ১২ লাখৰ ভিতৰত ইনকাম কৰাসকলৰ বাবে টেক্স নাথাকিলে এই ১০শতাংশ টেক্সৰ কথা আকৌ কিয় লিখা হৈছে? চৰকাৰৰ আয়কৰ আইনৰ ধাৰা 87A আওঁতাত টেক্স ৰেহাই দিয়া হৈছে৷ যাৰ অৰ্থ হৈছে আপোনাৰ আয়ৰ মুঠ টেক্স যদি কোনো শ্লেব অনুসৰি গণনা কৰা হয় তেন্তে আপুনি কিছু ৰেহাই পাব৷
এটা উদাহৰণ দাঙি ধৰিলে এই কথা বুজাত আপোনাৰো সহায় হ’ব৷ ধৰা হ’ল আপোনাৰ বাৰ্ষিক আয় ৪লাখৰ পৰা ৫লাখৰ ভিতৰত তেন্তে আপোনাৰ টেক্স হ’ব ২০০০০ টকা৷ অন্যহাতে আপুনি যদি বাৰ্ষিক ৪ৰ পৰা ১২ লাখ আয় কৰে তেন্তে আপোনাৰ টেক্স হ’ব ৪০০০০ টকা৷ এইধৰণে মুঠ কৰ দিব লাগিব ৬০,০০০ টকা৷ অৰ্থাৎ আপুনি বাৰ্ষিক ৪ৰ পৰা ৮লাখ বাৰ্ষিক আয়ত আৰু ৮ৰ পৰা ১২ লাখ বাৰ্ষিক আয়ত আপুনি এক টকাও টেক্স দিব নালাগে৷
টেক্স ৰিবেট প্ৰকৃততে কি?
টেক্স ৰিবেট হৈছে এটি গুৰুত্বপূৰ্ণ আৰ্থিক আইন৷ যিয়ে কৰদাতাসকলক আয়ৰ ওপৰত দিব লগা কৰৰ পৰা পৰিত্ৰাণ দিয়ে৷ এই বিধান বিশেষভাৱে সেই ব্যক্তিসকলৰ ক্ষেত্ৰত প্ৰযোজ্য যিসকলৰ বাৰ্ষিক আয় এটা নিৰ্দিষ্ট সীমাৰ তলত৷ ভাৰতৰ এই বিধানখন আয়কৰ আইনৰ ধাৰা 87A অধীনত আছে৷
টেক্স এক্সেমছন আৰু টেক্স ৰিবেটৰ মাজত পাৰ্থক্য আছে
টেক্স ৰিবেট
এটা আপোনাৰ আয়ৰ ক্ষেত্ৰত প্ৰযোজ্য আৰু নিৰ্দিষ্ট আয়ৰ স্তৰ পৰ্যন্ত আপোনাক সম্পূৰ্ণভাৱে টেক্সৰ পৰা অব্যাহতি দিয়ে৷
টেক্স এক্সেমছন
যেতিয়া আপোনাৰ আয় এক নিৰ্দিষ্ট সীমাৰ ওপৰত যায় তেতিয়া আপুনি কিছু পৰিমাণে ৰেহাই পাব পাৰে৷ সেই হিচাপতেই আপুনি ১২ লাখ পৰ্যন্ত আয়ত টেক্স এক্সেমছন পাব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
