উপ-ৰাষ্ট্ৰপতিয়ে ন্যায়াধীশৰ বিৰুদ্ধে FIRৰ নিৰ্দেশ দিব পাৰেনে? কিয় ন্যায়ালয়ৰ বিৰুদ্ধে খং জগদীপ ধনখৰৰ
১৭ এপ্ৰিল তাৰিখে ন্যায়ালয়ে এক নিৰ্দেশনা জাৰি কৰি ৰাষ্ট্ৰপতি আৰু ৰাজ্যপালক কোনো আইন পাছ কৰাৰ বাবে সময়সীমা নিৰ্ধাৰণ কৰি দিয়াক লৈ খৰ্গহস্ত হৈ পৰে উপ-ৰাষ্ট্ৰপতি জগদীপ ধনখৰ। উপ-ৰাষ্ট্ৰপতিগৰাকীয়ে কঠোৰ ভাষাৰে কয় যে আদালতে ৰাষ্ট্ৰপতিক নিৰ্দেশ দিব নোৱাৰে।
উপৰাষ্ট্ৰপতিগৰাকীয়ে লগতে ইয়াকো কয় যে, সংবিধানৰ ১৪২ নং অনুচ্ছেদৰ অধীনত আদালতে লাভ কৰা বিশেষ ক্ষমতা গণতন্ত্ৰৰ ক্ষমতাৰ বিৰুদ্ধে পাৰমাণৱিক ক্ষেপণাস্ত্ৰ হিচাপে পৰিগণিত হৈছে। ন্যায়াধীশসকলে ছুপাৰ পাৰ্লিয়ামেণ্টৰ দৰে কাম কৰিবলৈ আৰম্ভ কৰিছে।
লগতে উপ-ৰাষ্ট্ৰপতি জগদীপ ধনখৰে দিল্লী ন্যায়ালয়ৰ প্ৰাক্তন ন্যায়াধীশ যশৱন্ত ভাৰ্মাৰ ঘৰত উদ্ধাৰ হোৱা বহু টকাৰ গোচৰত কিয় বৰ্তমানলৈ এফআইআৰ ৰুজু হোৱা নাই বুলিও প্ৰশ্ন কৰে। পাছে বিচাৰক এজনৰ বিৰুদ্ধে এফআইআৰ পঞ্জীয়ন কৰিবলৈ কোনে আদেশ দিব পাৰে !
যেতিয়া ন্যায়াধীশ যশৱন্ত ভাৰ্মাৰ গোচৰ আহিছিল, তেতিয়াও প্ৰশ্ন উত্থাপন হৈছিল যে ন্যায়াধীশৰ বিৰুদ্ধে এফআইআৰ দাখিল কৰিব পৰা যাব নেকি? যদি সম্ভৱ তেন্তে কোনে পঞ্জীয়ন কৰিব পাৰে? নিয়ম অনুসৰি যদি ভাৰতৰ মুখ্য ন্যায়াধীশৰ এই অভিযোগ সঁচা যেন লাগে তেন্তে ভাৰতৰ ৰাষ্ট্ৰপতিক পৰামৰ্শ দিব পাৰে যে তেওঁ আৰক্ষীক এফআইআৰ ৰুজু কৰাৰ অনুমতি দিব পাৰে। এই প্ৰক্ৰিয়াটোক ইন-হাউছ প্ৰচেছ বোলা হয়। এই তদন্তৰ দায়িত্ব উচ্চতম ন্যায়ালয়ৰ।
উপ-ৰাষ্ট্ৰপতিৰ দ্বাৰা ন্যায়াধীশৰ বিৰুদ্ধে এফ আই আৰৰ আদেশ সন্দৰ্ভত ইমান স্পষ্ট নিয়ম নাই। কিন্তু যদি কোনো ন্যায়াধীশৰ বিৰুদ্ধে এফআইআৰ দাখিল কৰিব লাগে তেন্তে চিজেআইয়ে ৰাষ্ট্ৰপতিক পৰামৰ্শ নিদিয়ালৈকে ন্যায়াধীশৰ বিৰুদ্ধে কোনো এফআইআৰ দাখিল কৰিব নোৱাৰিব। আনহাতে ৰাষ্ট্ৰপতিয়ে চিজেআইৰ নিৰ্দেশ মানি চলিবলৈ বাধ্য নহয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
