অসম লাইভ ২৪ঃ দাম্পত্য জীৱন মানেই দুয়ো প্ৰতি সময়তে একেলগে। প্ৰতিখোজেই দুয়ো বুজাবুজিৰ মাজেৰে দিয়ে। কিন্তু এই বিশেষ দম্পত্তিহালে একেলগে মিলি মানুহৰ মাংস ভক্ষণ কৰে। ভক্ষণ কৰিবৰ বাবেই এই দম্পত্তিহালে এতিয়ালৈকে হত্যা কৰিছে ৩০ জনকৈ লোকক। এয়া আদিম যুগৰ কথা নহয়। বৰ্তমানৰেই ঘটনা। এই নৰখাদক দম্পত্তিক ২০১৯ চনত কাঠগড়াত তোলা হৈছে। তদন্তকাৰী সংস্থাটোৱে প্ৰকাশ কৰা প্ৰতিবেদন অনুসৰি ১৯৯৯ চনৰ পৰাই দম্পত্তিহালে খাদ্য হিচাপে মানুহৰ মাংস ভক্ষণ কৰি আহিছে। সকলোৰে চকুত ধূলি দি এই পৈশাচিক কাৰ্যকলাপ চলাই আহিছে দম্পত্তিহালে। কিন্তু কিমানদিনলৈ? অপৰাধী আৰক্ষীৰ হাতত পৰিল। এটা মোবাইল ফোনৰ বাবেই ধৰা পৰিল এই নৰখাদক দম্পত্তি।
ৰাছিয়াৰ ক্ৰাছনোদাৰ এলেকাৰ বাসিন্দা এই দম্পতীযুগলৰ নাম হৈছে ডিমিত্ৰি বকশিভা আৰু নাতালিয়া বকশিভা। ডকাইতি আৰি গাড়ী চুৰৰ অপৰাধত আৰক্ষীৰ নজৰত আছিল দম্পতীহাল। আনহাতে নাতালিয়াই ৰাছিয়াৰ এখন সৈনিক স্কুলত কাম কৰিছিল যদিও মদ্যপান কৰি বিদ্যালয়ত প্ৰৱেশ কৰাৰ বাবে চাকৰি হেৰুৱাইছিল। কিন্তু ডিমিত্ৰি আৰু নাতালিয়া কেনেকৈ নৰখাদক হৈ পৰিল ইয়াত আঁৰত আছে বিশেষ ৰহস্য। এই ৰহস্য হয়তো কাহানিও পোহৰলৈ নাহিলহেতেন যদিয়ে ডিমিত্ৰিয়ে ব্যৱহাৰ কৰা মোবাইল ফোনটো আৰক্ষীৰ হাতত নপৰিলহেতেন।
ডিমিত্ৰিৰ মোবাইল ফোনটো আৰক্ষীক গতাইছিল কেইগৰাকীমান শ্ৰমিকে। আৰক্ষীয়ে ফোনটো লাভ কৰাৰ পিছতেই ফোনটোত থকা তথ্য বিচাৰোতে দিমিত্ৰিৰ এখন ফটো দেখা পায়। ফটোখনত ডিমিত্ৰিয়ে এগৰাকী মহিলাৰ মৃতদেহৰ সৈতে এখন ফটো। য’ত ডিমিত্ৰিয়ে মৃতদেহটোৰ ভৰিখন মুখত লৈ ফটো তুলিছিল। ফোনটোত ফটোখন দেখাৰ পিছতেই আৰক্ষীয়ে ডিমিত্ৰিৰ সোধপোছৰ বাবে মাতি আনে। প্ৰাথমিক জেৰাত হত্যাৰ কথা অস্বীকাৰ কৰে ডিমিত্ৰিয়ে। কিন্তু আৰক্ষীয়ে ডিমিত্ৰিৰ মোবাইলত আৰু কিছু ভয়ংকৰ তথ্য লাভ কৰে। ১৯৯৯ চনৰ ২৮ ডিচেম্বৰত তোলা এখন ছবিয়েই প্ৰমাণ কৰে ডিমিত্ৰি নৰখাদক হোৱাৰ কথা। ছবিখনত ডিমিত্ৰিয়ে মানুহৰ কটা মূৰ এটা এখন কাঁহীত হৈ এখন ফটো তুলিছিল। এই ফটোখন দেখিয়েই আৰক্ষীয়ে ডিমিত্ৰিক পুনৰ জেৰা চলাই।
ডিমিত্ৰিক জেৰা কৰাই নহয় তেওঁৰ ঘৰতো তালাচী চলাই আৰক্ষীয়ে। তালাচীত ঘৰত ফ্ৰীজত থোৱা অৱস্থাত মানুহৰ দেহৰ কটা টুকুৰা লাভ কৰে আৰক্ষীয়ে। আৰক্ষীয়ে ডিমিত্ৰিৰ গৃহত মাংসৰ টুকুৰা লাভ কৰাৰ পিছতেই তেওঁৰ স্বামী নাতালিয়াকো। দুয়োকে আৰক্ষীয়ে চলোৱা জেৰাত মানুহৰ মাংস ভক্ষণ কৰাৰ কথা স্বীকাৰ কৰে। খাবৰ বাবেই দম্পতীহালে প্ৰায় ৩০ গৰাকী লোকক হত্যা কৰাৰ কথাও স্বীকাৰ কৰি লয়।
উল্লেখ্য যে দম্পতীহালে আৰক্ষীৰ সন্মুখত দিয়া স্বীকাৰোক্তি অনুসৰি তেওঁলোকে প্ৰত্যেকদিনেই আহাৰত মানুহৰ মাংস ৰান্ধি খায়। আনহাতে নাতালিয়াই সৈনিক স্কুলত চাকৰি কৰোতেও বিদ্যালয়ৰ ভিতৰতেই মানুহৰ মাংস সৰবৰাহ চক্ৰ এটা চলি থকাৰো অভিযোগ আনে। অন্য মাংস বুলি বহুতকেই মানুহৰ মাংস বিক্ৰি কৰিছিল বুলিও জেৰাত প্ৰকাশ কৰে দম্পতীহালে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
