অনিয়ন্ত্ৰিত বাহনে মহতিয়ালে শতাধিক, ৩৫ নিহত-৪৩ আহত, কঠোৰ শাস্তিৰ নিৰ্দেশ ৰাষ্ট্ৰপতিৰ
চীনৰ পৰা আহিছে এক অতিকে ভয়ংকৰ তথা শোকাৱহ ঘটনা। এখন অনিয়ন্ত্ৰিত বাহনৰ বাবে একেলগে প্ৰাণ হেৰুৱালে ৩৫ গৰাকী লোকে। আনহাতে অন্য ৪৩ গৰাকী লোক কম বেচি পৰিমানে আহত হয়।
এই ঘটনা সংঘটিত হোৱাৰ পাছতে দেশ খনৰ ৰাষ্ট্ৰপতি জিন পিঙৰ কঠোৰ নিৰ্দেশ। ‘অনতিপলমে সেই বাহনৰ চালকক আটক কৰি কঠোৰ শাস্তি দিয়া যাওক’।
https://x.com/TheInsiderPaper/status/1856294872400920744
চীন দেশৰ ঝুহাইত সংঘটিত হৈছে এই দুৰ্ঘটনা। জানিব পৰা অনুসৰি ঝুহাইত বৰ্তমানে চীন দেশৰ জনপ্ৰিয় এয়াৰ শ্ব’ চলি আছে। যাৰ বাবে ঝুহাইত বহু মানুহৰ সমাগম ঘটাৰ লগতে যথেষ্ট যানজঁটৰ সৃষ্টি হৈছে ।
এই ভিৰৰ মাজতে ৬২ বছৰীয়া এগৰাকী চালকে নিয়ন্ত্ৰণহীন বাহন এখন লৈ আটাইতকৈ ব্যস্ত অঞ্চলত মানুহৰ মাজত সোমাই পৰে। যাৰ ফলতে দুৰ্ঘটনাটোৰ ফলাফল অতিকে ভয়ংকৰ হৈ পৰে।
আহত সকলোৰে উদ্ধাৰ কৰি হাস্পতাললৈ প্ৰেৰণ কৰা হৈছে। আনহাতে বাহন চালকক আটক কৰাৰ বাবে সন্ধানত নামি পৰিছে আৰক্ষী।
https://x.com/AlBawabaEnglish/status/1856297527911325707
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
