বিজেপিৰ হাততেই সুৰক্ষিত নহয় মহিলা, ২ বছৰ পূৰ্বৰ ঘটনা অৱশেষত পোহৰলৈ
বিজেপিৰ হাততেই সুৰক্ষিত নহয় দেশৰ মহিলা। যি বিজেপিয়ে বেটি বচাও বেটি পঢ়াও শ্লোগান দিয়ে, সেই বিজেপিৰ হাততেই ধৰ্ষিতা হ’ল এগৰাকী মহিলা। তাকো দলবদ্ধ ধৰ্ষণৰ বলি বিধৱা মহিলাগৰাকী।
বিধৱা মহিলাক হোটেলৰ কোঠালৈ মাতি বলপূৰ্বক ধৰ্ষণ বিজেপি নেতাৰ। দেশ কঁপাই যোৱা দলবদ্ধ ধৰ্ষণ কাণ্ডত নাম সাঙোৰ খালে গেৰুৱা দলৰ।
মহিলাক প্ৰলোভনেৰে ৩ বিজেপি নেতাই সংঘটিত কৰে এই ভয়ংকৰ কাণ্ড। বিৰোধীৰ চাপত বিজেপিৰ সভাপতিৰ বিৰুদ্ধে গোচৰ ৰুজু আৰক্ষীৰ।
উল্লেখ্য যে, এই দেশ তোলপাৰ লগোৱা ধৰ্ষণ কাণ্ড চলিত বৰ্ষত নহয়, বৰঞ্চ আজিৰ পৰা ২ বছৰ পূৰ্বে ২০২৩চনত সংঘটিত হৈছিল, যি এতিয়াহে আহিছে পোহৰলৈ ।
২০২৩ চনৰ ৩ জুলাইত এগৰাকী বিধৱা মহিলাক চাকৰি দিম বুলি এই কাণ্ড কৰিছিল মোহনলালে। ঘটনাত নাম সাঙোৰ খাইছে জনপ্ৰিয় গায়ক জয় ভগৱান ওৰফে ৰকিৰো। হিমাচল প্ৰদেশৰ কচৌলীৰ এখন হোটেলত সংঘটিত কৰিছিল এই কাণ্ড।
২টা বছৰ পূৰ্বে সংঘটিত হোৱা এই ঘটনা চলিত ২০২৫ বৰ্ষৰ ১৪ জানুৱাৰী তাৰিখেৰে গোচৰ ৰুজু কৰা হৈছে । হিমাচল আৰক্ষীয়ে জামিনবিহীন গোচৰ ৰুজু কৰিছে বিজেপি সভাপতি আৰু আন ২জনৰ বিৰুদ্ধে।
অভিযুক্ত বিজেপিৰ ৰাজ্যিক সভাপতিগৰাকী হাৰিয়ানাৰ মোহনলাল বাদোলী। ঘটনা সংঘটিত কৰি মহিলাক প্ৰাণে মৰাৰ ভাবুকি দিছিল ৩ লম্পট ধৰ্ষণকাৰীয়ে। ঘটনা পোহৰলৈ অহাৰ পাছতেই বিৰোধীৰ সমালোচনাৰ সন্মুখীন এতিয়া গেৰুৱা দল।
আনহাতে ঘটনাৰ পাছতে মহিলা শূণ্য হ’বলৈ গৈ আছে হাৰিয়ানাৰ বিজেপি দল। বিজেপি সভাপতিৰ ধৰ্ষণ কাণ্ড পোহৰলৈ অহাৰ পিছতে পদত্যাগৰ জোৱাৰ। বিজেপিত নাৰীৰ সুৰক্ষা নাই বুলি মহিলাই ত্যাগ কৰিছে বিজেপি।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
