বলীউডৰ অভিনেতা ৰণবীৰ সিঙৰ সাহসী ফ’টোশ্বুটৰ বাবেই ছ’চিয়েল মিডিয়াত তীব্ৰ চাঞ্চল্যৰ সৃষ্টি হৈছে। ফ’টোসমূহ ভাইৰেল হোৱাৰ পিছৰে পৰা ছ’চিয়েল মিডিয়াত মানুহে অভিনেতাজনক ট্ৰ’লিং কৰি আহিছে যদিও চেলিব্ৰিটিসকলে বিভিন্ন যুক্তি দি তেওঁক ৰক্ষা কৰিবলৈ চেষ্টা কৰিছে।
কিন্তু ৰণবীৰ সিঙৰ ফ’টো বা চেলিব্ৰিটিৰ সমৰ্থনক কোনো নেট-নাগৰিকে আঁকোৱালি লোৱা নাই। এই কাৰণেই সোমবাৰে তেওঁৰ বিৰুদ্ধে আৰক্ষীৰ ওচৰত এজাহাৰ দাখিল কৰা হৈছিল আৰু এতিয়া মুম্বাইৰ চেম্বুৰ থানাত অভিনেতাগৰাকীৰ বিৰুদ্ধে ‘মহিলাৰ আৱেগক আঘাত দিয়া’ৰ বাবে গোচৰ ৰুজু কৰিছে।
ইয়াৰ পাছতে নেট-নাগৰিকে ৰণবীৰ সিঙক গ্ৰেপ্তাৰ কৰাৰো দাবী উত্থাপন কৰিছে।
লগতে পঢ়ক পৱিত্ৰ শাওণ মাহ আৰম্ভ; সম্পূৰ্ণৰূপে নিষিদ্ধ হ’ব মাছ-মাংস-কণীসহ আমিষ খাদ্যৰ বিক্ৰী!
সংবাদ সংস্থা এএনআই-এ দিয়া তথ্য অনুসৰি অভিনেতা ৰণবীৰ সিঙৰ বিৰুদ্ধে আই পি চিৰ ২৯২, ২৯৩, ৫০৯ আৰু আই টি আইনৰ ধাৰাত এফ আই আৰ ৰুজু কৰা হৈছে।
মুম্বাইৰ চেম্বুৰ থানাত অভিনেতাগৰাকীৰ বিৰুদ্ধে এফ আই আৰ দাখিল কৰিছে এটা বেচৰকাৰী সংস্থা চমুকৈ এন জি অ’ পৰিচালনা কৰা ললিত শ্যামে। তেওঁ অভিযোগ কৰি কয় যে ৰণবীৰ সিঙৰ এনে সাহসী ছবি দেখাৰ পিছত মহিলাৰ অনুভূতিত আঘাত লাগিছে। এই কাৰণতে তেওঁ টুইটাৰ আৰু ইনষ্টাগ্ৰামৰ পৰা ৰণবীৰৰ বল্ড ছবি আঁতৰোৱাৰো দাবী জনাইছে।
ইফালে অধিবক্তাই কয় যে যদি ৰণবীৰ সিং গ্ৰেপ্তাৰ হৈ দোষী সাব্যস্ত হয় তেনে ভাৰতীয় দণ্ডবিধি আইনৰ ২৯২ ধাৰা অনুসৰি ৫ বছৰৰ কাৰাদণ্ড আৰু ২৯৩ ধাৰাত ৩ বছৰ কাৰাদণ্ডৰ ব্যৱস্থা আছে। ইফালে আই টি আইন ৬৭ আৰু ৫ বছৰৰ কাৰাদণ্ডৰ শাস্তি আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
