মানৱ সমাজত প্ৰতিদিনে কি কি যে বিচিত্ৰ ঘটনা ঘটি নাথাকে৷ এইবাৰ সুখৰ সংসাৰ কৰিম বুলি পলুৱাই অনা প্ৰেমিকাই প্ৰেমিকৰ ঘৰৰ পৰা ধন-সোণসহ বহু মূল্যৱান সম্পদ লুটি উধাও হোৱাৰ খবৰ পোৱা গৈছে৷
ঘটনাটো সংঘটিত হৈছে বিশ্বনাথৰ গহপুৰত৷ আৰু ঘটনাৰ বলি হোৱা দুৰ্ভগীয়া প্ৰেমিকজন হৈছে ডুবিয়া বড়িগাঁৱৰ জিতুল ৰাজখোৱা৷
ঘটনাৰ বিৱৰণীৰ মতে আজিৰ পৰা পাঁচদিন পূৰ্বে বিয়া পাতিম বুলি শিৱসাগৰৰ পৰা ভুক্তভোগী জিতুলে প্ৰেমিকাক পলুৱাই আনিছিল৷ প্ৰেমিকাগৰাকী হৈছে যে শিৱসাগৰৰ খনামুখ খুটৰাহাবীৰ প্ৰণামী গগৈ৷
লগতে পঢ়ক গেছ আৰু কোষ্ঠকাঠিন্যৰ পৰা ঘৰুৱা উপায়েৰে কেনেকৈ উপশম লাভ কৰিব?
দেওবাৰে দুয়োৰে সমাজক সাক্ষী কৰি বিবাহপাশত আৱদ্ধ হোৱাৰ কথা আছিল৷ ইতিমধ্যে সেই উপলক্ষ্যে বিবাহৰ প্ৰস্তুতি চলাই জিতুলৰ আত্মীয়-স্বজন, চুবুৰীয়া সকলোকে নিমন্ত্ৰণ কৰাৰ লগতে নকইনাৰ বাবে গহনাৰো অৰ্ডাৰ দিয়া হয়৷ ইফালে দেওবাৰৰ বিবাহৰ উপলক্ষ্যে শিৱসাগৰৰ আহি প্ৰণামীৰ কণিষ্ঠ ভগ্নীও আহি জিতুলৰ ঘৰত উপস্থিত হয়৷
কিন্তু ইয়াৰ পিছতে হঠাতে লাগে অথন্তৰ৷ দেওবাৰৰ পূৰ্বেই এদিন নিশা কইনা তথা প্ৰেমিকা প্ৰণামী আৰু ভগ্নীয়ে জিতুলৰ ঘৰৰ পৰা পলায়ন কৰে৷
প্ৰণামী আৰু ভগ্নীয়ে জিতুলৰ ঘৰৰ পৰা মূগাৰ কাপোৰ, সোণৰ অলংকাৰ, নগদ ১৫ হাজাৰ টকা, এটা মোবাইল ফোন লৈ উধাও হয়৷ তেতিয়াৰে পৰা দুই ভগ্নীৰ কোনো সন্ধান লাভ কৰা নাই দুৰ্ভগীয়া প্ৰেমিক জিতুল ৰাজখোৱাই৷
লগতে পঢ়ক ভাঙি পৰিছে অসম কন্যা বক্সাৰ লাভলীনা! মানসিক হাৰাশাস্তি কৰিছে দুই প্ৰশিক্ষকে
প্ৰেমিকা আৰু প্ৰেমিকাৰ ভগ্নীৰ শুংসূত্ৰ লাভ নকৰি ইতিমধ্যে দ্বাৰস্থ হৈছে৷ উল্লেখ্য যে প্ৰায় ডেৰ বছৰৰ পূৰ্বে প্ৰেমাপাশত আৱদ্ধ হোৱা প্ৰণামী গগৈ আৰু জিতুল ৰাজখোৱাই দুয়োগৰাকীয়ে পাৰস্পৰিক সন্মতি সাপেক্ষে বিবাহপাশত আৱদ্ধ হ’বলৈ সিদ্ধান্ত গ্ৰহণ কৰিছিল৷ আৰু সেই সূত্ৰেই প্ৰণামীয়ে নিজ গৃহ ত্যাগ কৰি প্ৰেমিক জিতুলৰ সৈতে গহপুৰলৈ পলাই আহিছিল৷
কিন্তু বিবাহৰ পূৰ্বেই প্ৰণামীয়ে ধন-সোণ সম্পদ লৈ উধাও হোৱা ঘটনাই এতিয়া জিতুল ৰাজখোৱাৰ গাঁৱত চাঞ্চল্যৰ সৃষ্টি কৰিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
