কেন্দ্ৰীয় মাধ্যমিক শিক্ষা সংসদে পাঠ্যক্ৰমত ব্যাপক পৰিৱৰ্তন সাধন কৰিছে৷ সংসদে নৱম শ্ৰেণীৰ পৰা দ্বাদশ শ্ৰেণীৰ পৰ্যন্ত পাঠ্যক্ৰমৰ পৰা বহু অধ্যায় আঁতৰাই দিছে৷
শনিবাৰে সংসদে প্ৰকাশ কৰা অনুসৰি দশম শ্ৰেণীৰ পাঠ্যক্ৰমৰ পৰা খাদ্য সুৰক্ষা, কৃষি ওপৰত বিশ্বায়নৰ প্ৰভাৱ, ধর্ম সাম্প্ৰদায়িকতা আৰু ৰাজনীতি, ৰাজনীতি-সাম্প্ৰদায়িকতা ধৰ্ম নিৰপেক্ষ ৰাজ্য আদি কে’বাটাও অধ্যায় বিলোপ কৰিছে৷
ইমানেই নহয়, একাদশ আৰু দ্বাদশ শ্ৰেণীৰ পৰা গোষ্ঠী নিৰপেক্ষ আন্দোলন, শীতল যুদ্ধৰ যুগ, এফ্ৰো-এছিয়াৰ অঞ্লত ইছলামিক সাম্ৰাজ্যৰ উত্থান, মোগল সাম্ৰাজ্যৰ ইতিহাস আৰু শিল্প বিপ্লৱ সম্পৰ্কীয় অধ্যায়সমূহ আঁতৰাই দিয়া হৈছে৷
লগতে পঢ়ক শচীন টেণ্ডুলকাৰৰ পৰা বিৰাট কোহলীলৈকে কোনকেইজন ক্ৰিকেটাৰ পত্নীসকল ধনী পৰিয়ালৰ?
ইয়াৰ লগতে চিবিএছইয়ে পাঠ্যক্ৰমৰ পৰা ‘গণতন্ত্ৰ আৰু বৈচিত্ৰ্য’ শীৰ্ষক অধ্যায়বোৰো আঁতৰাই দিছে। ৰাষ্ট্ৰীয় শৈক্ষিক গৱেষণা আৰু প্ৰশিক্ষণ পৰিষদৰ (এনচিইআৰটি) পৰামৰ্শ অনুসৰি এই বিষয় তথা অধ্যায় আঁতৰোৱাৰ আঁতৰাই দিয়া বুলি প্ৰকাশ কৰিছে সংসদে।
উল্লেখ্য যে একাদশ শ্ৰেণীৰ ইতিহাস পাঠ্যক্ৰমৰ পৰা আঁতৰোৱা ‘চেণ্ট্ৰেল ইছলামিক লেণ্ডছ’ অধ্যায়টোত আফ্ৰিকান-এছিয়া অঞ্চলত ইছলামিক সাম্ৰাজ্যৰ উত্থান আৰু অৰ্থনীতি আৰু সমাজৰ ওপৰত ইয়াৰ প্ৰভাৱৰ বিষয়ে আলোচনা কৰা হৈছে।
একেদৰে, ‘দ্য মোগল কোৰ্ট: ৰিমেকভাৰিং হিষ্ট্ৰিজ থ্ৰু ক্ৰনিকলছ’ শীৰ্ষক দ্বাদশ শ্ৰেণীৰ ইতিহাস পাঠ্যক্ৰমৰ অধ্যায়টোৱে মোগলৰ সামাজিক, ধৰ্মীয় আৰু সাংস্কৃতিক ইতিহাসৰ পুনৰ নিৰ্মাণৰ সম্পৰ্কীয় মোগল আদালতৰ ইতিহাস বিষয়ে আলোকপাত কৰা হৈছে৷
লগতে পঢ়ক গৃহমন্ত্ৰী অমিত শ্বাহৰ মূৰত ফুল ছটিয়ালে মুছলমান মহিলাই, কিন্তু কিয়?
ব’ৰ্ডৰ এজন জ্যেষ্ঠ বিষয়াই এই সন্দৰ্ভত কয়, ‘‘চিবিএছইয়ে ৯ৰ পৰা ১২ শ্ৰেণীৰ বাবে বাৰ্ষিক পাঠ্যক্ৰম আগবঢ়ায় য’ত অন্তৰ্ভুক্ত থাকে শৈক্ষিক সমল, শিক্ষণ ফলাফলৰ সৈতে পৰীক্ষাৰ পাঠ্যক্ৰম, শৈক্ষিক অনুশীলন আৰু মূল্যায়ন নিৰ্দেশনা। অংশীদাৰ আৰু অন্যান্য বিদ্যমান চৰ্তসমূহৰ বিবেচনাৰ প্ৰতি লক্ষ্য ৰাখি ব’ৰ্ডে ২০২২-২৩ শৈক্ষিক বৰ্ষৰ শেষত মূল্যাঙ্কনৰ বাৰ্ষিক পৰিকল্পনা পৰিচালনা কৰাৰ পক্ষপাতী আৰু সেই অনুসৰি পাঠ্যক্ৰম প্ৰস্তুত কৰা হৈছে।’’
অৱশ্যে, সংসদে প্ৰথমবাৰৰ বাবে পাঠ্যক্ৰমৰ পৰা অধ্যায় আঁতৰাই দিয়া নাই৷ ইয়াৰ পূৰ্বেও সংসদে এনে সিদ্ধান্ত গ্ৰহণ কৰি কিছুমান অধ্যায় আঁতৰাই আহিছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
