ভাৰতীয় ক্ৰিকেট নিয়ন্ত্ৰণ ব’ৰ্ড হৈছে বিশ্বৰ আটাইতকৈ ধনী ক্ৰীড়া সংস্থা৷ ঠিক সেইদৰে ভাৰতীয় ক্ৰিকেটাৰসকলো হৈছে বিশ্বৰে ধনী ক্ৰিকেটাৰ৷
ভাৰতীয় ক্ৰিকেটাৰসকলৰ দাম্পত্য জীৱন লক্ষ্য কৰিলে দেখা যায় যে তেওঁলোকৰ পত্নীসকল বা পত্নীৰ পৰিয়ালকো বহু ধনী পৰিয়ালৰ৷ অৰ্থাৎ ভাৰতীয় বুহু ক্ৰিকেটাৰ পত্নীসকলো ধনী পৰিয়ালক প্ৰতিনিধিত্ব কৰে৷
আজি আমি তেনে কেইজনমান ক্ৰিকেটাৰ আৰু তেওঁলোকৰ পত্নীৰ বিষয়ে এক প্ৰতিবেদন আগবঢ়াইছো৷
লগতে পঢ়ক আপুনি নিচাসক্ত নেকি? নিচাসক্তিৰ পৰা কেনেকৈ মুক্তি লাভ কৰিব?
শচীন আৰু অঞ্জলি টেণ্ডুলকাৰ
বিশ্বৰ অন্যমত শ্ৰেষ্ঠ ক্ৰিকেটাসকলৰ মাজৰ আটাইতকৈ আগশাৰীত থকা তথা প্ৰভাৱশালী ক্ৰিকেটাৰগৰাকী হৈছে শচীন টেণ্ডুলকাৰ৷ শচীন টেণ্ডুলকাৰক ক্ৰিকেটাৰ ভগৱান বুলিও কোৱা হয়৷ ক্ৰিকেটৰ পৰা অৱসৰ ল’লেও শচীন টেণ্ডুলকাৰ হৈছে ভাৰতৰ আটাইতকৈ ধনী ক্ৰীড়াবিদ৷ শচীন টেণ্ডুলকাৰৰ পত্নী অঞ্জলি টেণ্ডুলকাৰৰো এটা ধনী পৰিয়ালৰ জীয়ৰী৷ অঞ্জলিৰ ককাক এগৰাকী ধনী জমিদাৰ আছিল৷ তেওঁৰ দেউতাকো গুজৰাটৰ এগৰাকী ধনী ব্যৱসায়ী৷ ১৯৯৫ চনত বিবাহপাশ আৱদ্ধ হোৱা শচীন আৰু অঞ্জলি চাৰা আৰু অৰ্জুন নামৰ এক কন্যা আৰু এক পুত্ৰ পিতৃ-মাতৃ৷
বীৰেন্দ্ৰ ছেহৱাগ-আৰতি আহলাৱতী
২০০৪ চনত বীৰেন্দ্ৰ ছেহৱাগে আৰতি আহলাৱতীৰ সৈতে বিবাহপাশত আৱদ্ধ হয়৷ আৰিত দিল্লীৰ বিখ্যাত উকীল সুৰজ সিঙৰ কন্যা৷ আৰতিয়ে এতিয়া ছেহৱাগৰ সকলো ক্ৰিকেট একাডেমি আৰু বিদ্যালয়সমূহ দায়িত্ব পালন কৰি আছে৷
গৌতম গম্ভীৰ-নাতাশা জৈন
একালৰ বান্ধৱী নাতাশা জৈনৰ সৈতে ২০১১ চনত ভাৰতৰ প্ৰাক্তন অ’পেনাৰ গৌতম গম্ভীৰে বিবাহপাশত আৱদ্ধ হয়৷ গৌতম গম্ভীৰৰ পত্নী নাতাশা জৈনো এটা ধনী ব্যৱসায়ী পৰিয়ালৰ কন্যা৷ নাতাশাৰ পিতৃ দিল্লীৰ এজন বিখ্যাত বস্ত্ৰ ব্যৱসায়ী৷ তেওঁ নিজেও বস্ত্ৰ ব্যৱসায়ৰ সৈতে জড়িত৷
লগতে পঢ়ক ভয়ংকৰ বোমা বিস্ফোৰণ : শিশু-মহিলাসহ ৩৩ গৰাকীৰ মৃত্যু, আহত ৪৩ গৰাকী
হৰভজন সিং-গীতা বছৰা
হৰভজন সিঙৰ পত্নী গীতা বছৰাও এটা ধনী পৰিয়ালৰ কন্যা৷ বলিউদৰ অভিনেত্ৰী গীতাৰ পিতৃ এগৰাকী বিখ্যাত ইংৰাজ ব্যৱসায়ী৷ প্ৰাক্তন ক্ৰিকেটাৰ হৰভজন সিঙৰ সৈতে ২০১৫ চনত বিবাহপাশত আৱদ্ধ হোৱা গীতাৰ পিতৃৰ নাম হৈছে ৰাকেশ বছৰা৷
বিৰাট কোহলী-অনুষ্কা শৰ্মা
ভাৰতীয় দলৰ প্ৰাক্তন অধিনায়ক আৰু আধুনিক ক্ৰিকেটৰ অন্যতম শ্ৰেষ্ঠ বেটছমেন বিৰাট কোহলীয়ে ২০১৭ চনত বলিউদৰ অভিনেত্ৰী অনুষ্কা শৰ্মাৰ সৈতে বিবাহপাশত আৱদ্ধ হয়৷ অনুষ্কা বলিউদৰ এগৰাকীৰ জনপ্ৰিয় অভিনেত্ৰী হোৱাৰ লগতে এটা ধনী পৰিয়ালৰ কন্যা৷ অনুষ্কাৰ পিতৃ অজয় কুমাৰ শৰ্মা ভাৰতীয় বায়ু সেনাৰ এগৰাকী শীৰ্ষ বিষয়া৷
ৰোহিত শৰ্মা-ৰিতিকা সজদেহ
ভাৰতীয় ক্ৰিকেট দলৰ হিটমেন ৰোহিত শৰ্মাৰ পত্নী ৰিতিকাও এটা ধনী পৰিয়ালৰ কন্যা৷ ৰিতিকাৰ পিতৃ ববি সজদেহে মুম্বাইৰ অভিজাত এলেকা কাফ পেৰেড এলেকাত বাস কৰে৷ ৰিতিকাৰ ভাতৃ এগৰাকীৰ চেলিব্ৰেটিৰ মেনেজাৰ৷ ৰিতিকাও চেলিব্ৰেটিৰ মেনেজাৰ আছিল৷ তেওঁ বহু ক্ৰিকেট তাৰকাৰ বাবেও কাম কৰিছে৷ ২০১৫ চনত তেওঁলোক বিবাহপাশত আৱদ্ধ হয়৷
লগতে পঢ়ক ১৭ বছৰ বয়সতে মাতৃ হ’ল কিশোৰী : পিতৃ ১২ বছৰীয়া শিশু! শিশু পিতৃক গ্ৰেপ্তাৰ আৰক্ষীৰ
ৰবীন্দ্ৰ জাডেজা-শিৱা ছোলাংকী
ভাৰতীয় ক্ৰিকেট দলৰ বৰ্তমানৰ শ্ৰেষ্ঠ অৰাউণ্ডাৰগৰাকী হৈছে ৰবীন্দ্ৰ জাডেজা৷ ২০১৬ চনত বিবাহপাশত আৱদ্ধ হোৱা ৰবীন্দ্ৰ জাডেজাৰ পত্নী শিবা ছোলাংকীও এটা ধনী পৰিয়ালৰ জীয়াৰী৷ শিবা ছোলাংকী হৈছে গুজৰাট প্ৰদেশ কংগ্ৰেছৰ নেতা হৰি সিঙৰ ভতিজী৷ ইফালে ৰবীন্দ্ৰ জাডেজাৰ পত্নী শিৱা নিজেই বিজেপি দলৰ এগৰাকী নেত্ৰী৷ শিৱাৰ পিতৃ হৰকেশ ছোলাংকী এগৰাকী মেকানিকেল ইঞ্জিনিয়াৰ৷
ছেতেশ্বৰ পূজাৰা-পূজা পাবৰী
ভাৰতৰ টেষ্ট ক্ৰিকেট দলৰ নিৰ্ভযোগ্য বেটছমেন ছেতেশ্বৰ পূজাৰাৰ পত্নী পূজা পাবৰীও এটা ধনী ব্যৱসায়িক পৰিয়ালৰ কন্যা৷ পূজাৰাৰ সৈতে ২০১৩ চনত বিবাহপাশত আৱদ্ধ হোৱা পূজাৰ পৰিয়ালৰ ডাঙৰ ব্যৱসায় আছে৷ পূজাৰ পিতৃ গুজৰাটৰ এগৰাকীৰ বিখ্যাত কাপোৰ ব্যৱসায়ী৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
