চিমেণ্ট ফেক্টৰীৰ লোহাৰ গঠন ভাঙি ভয়ংকৰ দুৰ্ঘটনা, ৬৩ লোকক কোনোমতে উদ্ধাৰ
ওড়িশাৰ সুন্দৰগড় জিলাৰ পৰা আহিছে এক অতিকে ভয়ংকৰ দুৰ্ঘটনাৰ খবৰ। ডালমিয়া চিমেণ্ট ফেক্টৰীৰ লোহাৰ গঠন ভাঙি পৰাৰ ফলত আৱদ্ধ হৈ পৰে বহু লোক। কোনোমতে উদ্ধাৰ ৬৩ গৰাকী লোকক। এতিয়াও আৱদ্ধ বহু লোকক।
ডালমিয়াৰ এটা চিমেণ্ট কাৰখানাত সংঘটিত হৈছে এক বৃহৎ দুৰ্ঘটনা। কোৱা হৈছে যে কাৰখানাটোৰ ভিতৰত থকা লোহাৰ গঠন ভাঙি গৈছে। যাৰ তলত এতিয়াও আবদ্ধ হৈ আছে ৮ জন শ্ৰমিক। এই পৰ্যন্ত ৬৩ জন লোকক উদ্ধাৰ কৰা হৈছে।
প্ৰাণ ৰক্ষা পৰা শ্ৰমিকে দিয়া শিহৰণকাৰী তথ্য অনুসৰি, চিমেণ্টৰ কাৰখানাত যেতিয়া এই লোহাৰ গঠন ভাঙি পৰি ভয়ংকৰ দুৰ্ঘটনাটো সংঘটিত হৈছিল, তেতিয়া ঘটনাস্থলীত বহু লোকে কাম কৰি আছিল। যাৰ ফলতে বহু লোক আৱদ্ধ হৈ পৰে।
বৰ্তমানেও উদ্ধাৰৰ কাম চলি আছে, যাতে আৱদ্ধ হৈ থকা লোকসকলক অতি সোনকালে উদ্ধাৰ কৰিব পৰা যায়। উদ্ধাৰ হোৱ সকলো লোকৰ কোনোমতে প্ৰাণ ৰক্ষা পৰিলেও কম বেছি পৰিমাণে আহত হৈছে।
আৱদ্ধ শ্ৰমিক সকলক উদ্ধাৰৰ বাবে ক্ৰেন আৰু এম্বুলেন্স কাৰখানাটোত উপস্থিত হৈছে। তথ্য লাভ কৰাৰ পিছতে স্থানীয় আৰক্ষীয়ে সেই স্থানত উপস্থিত হৈ ধ্বংসাৱশেষ আঁতৰোৱাত সহায় কৰি আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
