আজি পাকিস্তানে ভাৰত সন্দৰ্ভত ল’বই লাগিব কোনে সিদ্ধান্ত, অন্যথা চেম্পিয়নছ ট্ৰফি সন্দৰ্ভত আই চি চিয়ে লব বিশেষ নীতি
পাকিস্তানৰ আয়োজনৰ অহা বছৰ অৰ্থাৎ ২০২৫ চনচ চেম্পিয়নছ ট্ৰফি অনুষ্টিত হব। পাছে এতিয়ালৈকে ঠিক হোৱা নাই কোন ঠাইত অনুষ্ঠিত হব এই চেম্পিয়নছ ট্ৰফি। কাৰণ বি চি চি আইয়ে ভাৰতীয় খেলুৱৈৰ সুৰক্ষা জনিত কাৰণত পাকিস্তানত খেলিবলৈ নাযায় বুলি উঠাই দিছে। সেয়ে পাকিস্তানক কোনো বিকল্প লোৱাৰ বাবে আহ্বান জনাইছিল।
কিন্তু পাকিস্তানৰ ফালৰ পৰা বৰ্তমানলৈ কোনো সিদ্ধান্ত সদৰি হোৱা নাই। ভাৰতৰ খেল ডুবাইত অনুষ্ঠিত কৰাৰ বাবে বিকল্প দিয়া হৈছিল পাকিস্তানক, কিন্তু পাকিস্তানে নিজৰ দেশতে প্ৰতিখন খেল অনুষ্ঠিত কৰাৰ বাবে নাচোৰবান্দা।
ইন্টাৰনেশনেল ক্ৰিকেট কাউন্সিল (আই চি চি)ও এই হাইব্ৰিড বিকল্প পছন্দ কৰি ইয়াৰ ওপৰত বিচাৰ কৰিবলৈ পাকিস্তান ক্ৰিকেট বৰ্ড (পি চি বি)ক আহ্বান জনাইছিল। পাছে পি চি বিয়ে ভাৰত আৰু আই চি চিৰ হাইব্ৰিড বিকল্পৰ আহ্বান নাকচ কৰি দিয়ে।
যদি পাকিস্তানে আজিৰ ভিতৰত কোনো ব্যৱস্থা গ্ৰহণ নকৰে তেন্তে আই চি চিয়ে চেম্পিয়নছ ট্ৰফিৰ খেল অন্য ঠাইলৈ সলনি কৰাৰ বিকল্প ব্যৱস্থা আছে। সেই উদ্দেশ্যেই আজি ২৯ নৱেম্বৰ তাৰিখে এক বিশেষ বৈঠকত মিলিত হব আই চি চি।
এই বৈঠকতে সিদ্ধান্ত সোৱা হব যে, চেম্পিয়নছ ট্ৰফি পাকিস্তানৰ আয়োজনতে কেৱল হাইব্ৰিড পদ্ধতিত হয় নে কোনো অন্য দেশলৈ সম্পূৰ্ণ খেলেই স্থানান্তৰিত কৰা হয়।
উল্লেখ্য যে, হাইব্ৰিড পদ্ধতিত পাকিস্তানৰ সমুখত বিকল্প ৰখা হৈছিল যে, বাকি সকলো খেল পাকিস্তানতে অনুষ্ঠিত কৰক কেৱল ভাৰতৰ খেল থকাৰ দিন কেইটা ডুবাইত অনুষ্ঠিত কৰক। কাৰণ পাকিস্তানত ভাৰতীয় খেলুৱৈৰ সুৰক্ষাৰ দিশতো এই ক্ষেত্ৰত চোৱাটো প্ৰয়োজনীয়। যিহেতু পাকিস্তান আৰু ভাৰত চিৰ বৈৰী দেশ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
