HDFC বেংকৰ একাউণ্টধাৰীৰ বাবে ডাঙৰ খবৰ৷ দেশৰ শীৰ্ষ বেচৰকাৰী ঋণদাতা HDFC বেংকে তেওঁলোকৰ লাখ লাখ গ্ৰাহকৰ বাবে কেইবাটাও পৰিসেৱাৰ চাৰ্জ কমাইছে৷ কেইটামান চাৰ্জ আকৌ বঢ়াইয়ো দিছে৷ গ্ৰাহক পৰিসেৱা উন্নত আৰু সুবিন্যস্ত কৰাৰ বাবে এই পৰিবৰ্তনসমূহ কৰা হৈছে৷ ইয়াৰ অৰ্থ হৈছে নগদ লেনদেন, চেক বহী আৰু শাখা ভিত্তিক স্থানান্তৰৰ ক্ষেত্ৰত আপুনি পূৰ্বৰে পৰাই আৰু সতৰ্ক থাকিব লাগিব৷ ১৫.২৬লাখ কোটি টকাৰ বজাৰ মূলধনৰ এই বেংকৰ নতুন নিয়মসমূহৰ সৈতে গ্ৰাহক সম্পৰ্কিত নীতি আপডেট কৰিছে৷
নগদ লেনদেনৰ সীমা পৰিবৰ্তন কমাই ১ লাখ টকা কৰা হৈছে৷ এই সীমাৰ পাছত প্ৰতি ১০০০ টকাৰ ৫ টকা চাৰ্জ কটা হব৷ মাহত মাত্ৰ ৪ টাহে বিনামূলীয়া নগদ লেনদেন পোৱা যাব তাৰপিছতেই প্ৰতিটো লেনদেনৰ বাবে ১৫০ টকা দিব লাগিব৷ তৃতীয় পক্ষৰ নগদ লেনদেনৰ দৈনিক সীমা ২৫০০০ টকাৰ বেছি লেনদেন অনুমোদিত নহব৷
আই এম পি এছ ট্ৰেন্সফাৰৰ ক্ষেত্ৰত কম পৰিমাণৰ ফি হ্ৰাস কৰা হৈছে৷ ১০০০ টকা পৰ্যন্ত অনলাইন আই এম পি এছ ট্ৰান্সফাৰৰ বাবে এতিয়া নিয়মিত গ্ৰাহকৰ বাবে ২.৫ টকা আৰু প্ৰবীণ নাগৰিকৰ ২.২৫ টকা খৰচ হব৷ ১ লাখতকৈ বেছি ট্ৰান্সফাৰত এতিয়া ১৩.৫ টকা পূৰ্বে ১৫ টকা আছিল৷
এনই এফ টি শাখাৰ লেনদেনৰ বাবেও নতুন হাৰ
১০০০০ টকা পৰ্যন্ত ট্ৰেন্সফাৰৰ ক্ষেত্ৰত নিয়মিত গ্ৰাহকৰ বাবে ২ টকা, প্ৰবীণ নাগৰিকৰ বাবে ১.৮ টকা চাৰ্জ কৰা হব৷ ১ লাখৰ পৰা ২ লাখ টকাৰ মাজত ১৪ টকা আৰু ১২.৬ টকা চাৰ্জ কৰা হব৷ ২ লাখ টকাতকৈ বেছি লেনদেনৰ বাবে চাৰ্জ যথাক্ৰমে ২৪ টকা আৰু ২১.৬টকা৷
চেক বহী এতিয়া পূৰ্বৰ তুলনাত বহু দামী
এতিয়া ছেভিংছ একাউণ্ট হোল্ডাৰে বছৰি মাত্ৰ ১০ পৃষ্ঠাৰ এখন চেক বহী বিনামূলীয়াকৈ পাব৷ পূৰ্বে ২৫ পৃষ্ঠাৰ চেক বহী বিনামূলীয়াকৈ দিয়া হৈছিল৷ অতিৰিক্ত চেক বহীৰ বাবে প্ৰতি পৃষ্ঠাত ৪ টকাকৈ দিব লাগিব৷ প্ৰবীণ নাগৰিকসকলৰ বাবে এই হাৰ কিছু কম ৰখা হৈছে৷
এই অতিৰিক্ত চাৰ্জ কেনেকৈ কমাব?
আপুনি যদি এইছডিএফচি বেংকৰ গ্ৰাহক হয় তেতিয়া এই পৰিবৰ্তিত নিয়মৰ পাছতেই কিছু স্মাৰ্ট অভ্যাস গ্ৰহণ কৰি আপুনি সহজতেই অতিৰিক্ত ফি কমাব পাৰে৷ ইয়াত কিছু সহজ আৰু কাৰ্যকৰ সমাধান দিয়া হ’ল৷
১. ডিজিটেল লেনদেন পছন্দ কৰক
আই এম পি এছ আৰু এন ই এফ টিৰ ডিজিটেল ট্ৰেন্সফাৰ এতিয়া শাখা লেনদেনৰ তুলনাত সস্তা৷ মোবাইল এপ বা নেটবেংকিং ব্যৱহাৰ কৰি টকা পঠিওৱা কেৱল সময় সাশ্ৰয়েই নহয় বৰং চাৰ্জো কমিব৷
২. ইউ পি আই আৰু কিউআৰ কোড গ্ৰহণ কৰক
ইউপিআই আৰু কিউআৰ কোড স্কেনিং সৰু বা ঘন ঘন পেমেণ্ট কৰাৰ বেষ্ট উপায়৷ ই সম্পূৰ্ণ বিনামূলীয়া আৰু ২৪ ঘণ্টাৰ বাবেই উপলব্ধ৷ দোকান, বন্ধুবান্ধৱ, ভাড়া, সকলোতে আপুনি এই পেমেণ্ট চিষ্টেমেৰে পেমেণ্ট কৰিব পাৰে৷
৩. নগদ লেনদেন বঢ়াওক
প্ৰতিমাহৰ আৰম্ভণিতেই আপুনি কিমান নগদ টকা তুলিব সেয়া ঠিক কৰক৷ ধন ওলিওৱাৰ পাছত প্ৰয়োজনতকৈ বেছি বেংক লেনদেন নকৰিব৷ সম্ভৱ হলে মাহত মাত্ৰ এক বা দুইবাৰতেই ধন উঠাওক৷
৪.থাৰ্ড পাৰ্টি কেছ ডিপজিট এৰাই চলক
২৫০০০ টকাতকৈ বেছি থাৰ্ড পাৰ্টি কেছ লেনদেন আৰু সম্ভৱ হলে নকৰাই ভাল৷ সেয়ে যিমান সম্ভৱ টকা নিজে জমা বা তোলাৰ চেষ্টা কৰক অথৱা ডিজিটেল উপায় ব্যৱহাৰ কৰক৷
৫. চেক বহীও যধেমধে ব্যৱহাৰ নকৰিব
এতিয়া প্ৰতিবছৰে মাত্ৰ ১০ পৃষ্ঠাৰ চেক বহীহে বিনামূলীয়াকৈ পোৱা যাব সেয়ে বিচক্ষণতাৰ সৈতে চেক ব্যৱহাৰ কৰক৷ যত ইউপিআই বা ট্ৰেন্সফাৰ সম্ভৱ, চেকৰ পৰিবৰ্তে ডিজিটেল বিকল্প ব্যৱহাৰ কৰক৷
৬. প্ৰবীণ নাগৰিকৰ বাবে বিশেষ সুবিধা
আপুনি বা আপোনাৰ ঘৰত কোনোবা যদি প্ৰবীণ নাগৰিক আছে তেন্তে বেংকে তেওঁলোকক কম ফিসহ বহু সুবিধাই প্ৰদান কৰে৷ তেওঁলোকৰ একাউণ্ট সক্ৰিয় ৰাখক আৰু সেই একাউণ্টেৰেই প্ৰয়োজনীয় কাম কৰক৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
