অসম লাইভ২৪ঃ বিহাৰৰ ছাপৰা জিলাত বিষাক্ত সুৰাপান কৰি মৃত্যু হৈছে প্ৰায় ৫৫ জনতকৈয়ো অধিক লোকৰ। বিষাক্ত সুৰাপান কৰি মৃত্যু হোৱা লোকৰ সংখ্যাই অভিলেখ গঢ়াৰ সময়তে চৰ্চা হৈছে, যদি ভুলবশত কেতিয়াবা বিষাক্ত সুৰাপান কৰে তেন্তে মৃত্যু অনিবাৰ্যই নেকি? সুৰাপান কৰোতে কোনবোৰ দিশ নজৰ ৰখাটো জৰুৰী? সাধাৰণতে ভুলবশত বিষাক্ত সুৰাপান কৰিলে কিছুমান লক্ষণে দেখা দিয়ে। এই লক্ষণকেইটাই দেখা দিলেই তাৎক্ষণিকভাৱে কেইটামান উপায় গ্ৰহণ কৰিলেই সুস্থ হৈ উঠিব পাৰিব বুলি চিকিৎসকে প্ৰকাশ কৰিছে।
কোনবোৰ লক্ষণলৈ নজৰ দিব?
জয়প্ৰকাশ নাৰায়ণ হাস্পতালৰ চিকিৎসকে প্ৰকাশ কৰা মতে বিষাক্ত সুৰাত মিথানল মিহলি হৈ থাকে। এই মিথানল সেৱন কৰাৰ পাছতেই বমি, মূৰ ঘূৰণি আদি লক্ষণে দেখা দিয়ে। বমি, মূৰ ঘূৰণি হ’লেও লগে লগেই কিন্তু মিথানলে শৰীৰত ক্ৰিয়া নকৰে। মিথানলে কাম কৰিবলৈ আৰম্ভ কৰে ৪-৫ ঘণ্টাৰ পাছতহে। চিকিৎসকে প্ৰকাশ কৰামতে সুৰা তৈয়াৰ কৰোতে মেটাপলিজম, ফৰ্মেলডিহাইডো ব্যৱহাৰ কৰে। এই ফৰ্মেলডিহাইডে পোনে পোনেই শৰীৰক প্ৰভাৱিত কৰে। ব্ৰেইনৰ পৰা আৰম্ভ কৰি হৃদযন্ত্ৰ, লিভাৰ, কিডনী বিকল কৰে ফৰ্মেলডিহাইডে। এনেদৰে বিষাক্ত সুৰাপান কৰা প্ৰায়সংখ্যকৰেই মৃত্যু হয় কিন্তু উপযুক্ত সময়ত চিকিৎসা লাভ কৰি কোনোবা যদি জীয়াইয়ো থাকে তেন্তে তেওঁৰ দৃষ্টিশক্তি চিৰদিনৰ বাবে হেৰুৱাৰ সম্ভাৱনা থাকে।
বিষাক্ত সুৰাপান কৰিলে কিয় উশাহ ছুটি হৈ আহে?
বিষাক্ত সুৰাপান কৰা ব্যক্তিৰ প্ৰায়সংখ্যকৰেই উশাহ ছুটি হৈ আহে। উশাহ-নিশাহ লোৱাত কষ্ট পায়। যদি সুৰাখিনি বিষাক্ত হয় তেন্তে হৃদস্পন্দনত প্ৰভাৱ পৰে। ইয়াৰোপৰি সুৰাপায়ীজনৰ হৃযদযন্ত্ৰও হঠাতে বিকল হোৱাৰ সম্ভাৱনা থাকে।
শৰীৰৰ ৰং সলনি হয়
বিষাক্ত সুৰাপান কৰা ব্যক্তি এজনৰ শৰীৰৰ ৰং সলনি হ’ব ধৰে। শৰীৰৰ ৰং নীলা হৈ পৰে। শৰীৰৰ তাপমাত্ৰা কমি আহে। এনেদৰে শৰীৰৰ তাপমাত্ৰা কমি আহিলে তাৎক্ষণিকভাৱে চিকিৎসকৰ পৰামৰ্শ গ্ৰহণ কৰাটো জৰুৰী।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
