বৃহস্পতিবাৰৰ পৰা আৰ জি কৰ হাস্পতালৰ নিৰাপত্তা প্ৰদানৰ দায়িত্ব লৈছে CISF৷ বুধবাৰে দিনজুৰি আৰ জি কৰ হাস্পতাল কৰ্তৃপক্ষ আৰু কলকাতা আৰক্ষীৰ সৈতে দফায় দফায় বৈঠক কৰিছে CISFৰ শীৰ্ষ অধিকাৰীসকলে৷ ইয়াৰপাছতেই নিশাই সিদ্ধান্ত লোৱা হৈছে যে বৃহস্পতিবাৰৰ পুৱাৰে পৰাই আৰ জি কৰত মোতায়েন হৈছে CISF, সূত্ৰৰ খবৰ, মুঠ ২ কোম্পানী CISF থাকিব আৰ জি কৰৰ নিৰাপত্তাৰ দায়িত্বত৷
কলকাতা আৰক্ষীৰ তৰফৰ পৰা CISF বাহিনীৰ থকাৰ ব্যৱস্থা কৰা হৈছে৷ উল্লেখ্য যে উচ্চতম ন্যায়ালয়ে মঙলবাৰে আৰ জি কৰ হাস্পতালত চিকিৎসকলৰ নিৰাপত্তা প্ৰদান আৰু তেওঁলোকক কামলৈ উভতি অহাৰ অনুৰোধ জনাই CISF বাহিনী মোতায়েন কৰাৰ নিৰ্দেশ দিয়া হৈছে৷ বুধবাৰে পুৱা CISFৰ DIG কে প্ৰতাপ সিংহ আৰ জি কৰ হাস্পতাললৈ আহে৷ হাস্পতাল কৰ্তৃপক্ষৰ সৈতে কথা হয়৷ ইয়াৰপাছতেই লালবজাৰলৈ যায় CISF কৰ্তাৰ৷ কলকাতা আৰক্ষীৰ শীৰ্ষ কৰ্তাসকলৰ সৈতে বৈঠক কৰে CISFৰ ডিআইজিসহ অন্যান্য শীৰ্ষ কৰ্তাসকলে৷
প্ৰসংগত আৰ জি কৰ হাস্পতালত চিকিৎসক হত্যাৰ ঘটনাৰ পাছত বিগত ১৪ আগষ্টত মাজনিশা হঠাৎ ভঙাচিঙা চলে৷ ইয়াৰপাছতেই চিকিৎসক, স্বাস্থ্য কৰ্মীসকলৰ নিৰাপত্তাক লৈ প্ৰশ্ন উঠে৷ ঘটনাৰ পাছতেই বহু ৰেছিডেণ্ট চিকিৎসকে কৰ্মস্থল এৰি গৈছে বুলি সূত্ৰই প্ৰকাশ কৰিছে৷ আৰ জি কৰ হাস্পতালত হোষ্টেলসমূহত বৰ্তমান ৩০-৪০গৰাকী মহিলা চিকিৎসক আৰু ৬০-৭০ জন পুৰুষ চিকিৎসক আছে৷
হাস্পতালখনত চিকিৎসা পৰিসেৱা স্বাভাৱিক কৰিবলৈ ইণ্টাৰ্ণ, ৰেছিডেণ্ট চিকিৎসক, চিনিয়ৰ চিকিৎসকৰ সুৰক্ষাক লৈ উদ্বিগ্ন হৈ পৰিছে উচ্চতম ন্যায়ালয়৷ মঙলবাৰে শুনানিৰ সময়ত উচ্চতম ন্যায়ালয়ে CISF বাহিনী মোতায়েন কৰাৰ নিৰ্দেশ দিয়ে৷ হাস্পতালৰ নিৰাপত্তাক লৈ বাৰে বাৰে প্ৰশ্ন তুলিছে আন্দোলনৰত চিকিৎসকেও৷ কৰ্মবিৰতি তুলি লোৱাৰ সিদ্ধান্ত এতিয়াও লোৱা নাই চিকিৎসকে৷ বুধবাৰেও একাধিক দাবী লৈ স্বাস্থ্যভৱনলৈ গৈছিল চিকিৎসকসকল৷ বৃহস্পতিবাৰে উচ্চতম ন্যায়ালয়ে আৰ জি কৰ হাস্পতালত হোৱা হত্যাৰ ঘটনাৰ তদন্তৰ ষ্টেটাছ ৰিপৰ্ট জমা দিয়াৰ কথা আছিল চিবিআইৰ৷ ইয়াৰপাছতেই কৰ্মবিৰতি তুলি লোৱাৰ সিদ্ধান্ত ল’ব বুলি জনাইছে প্ৰতিবাদী চিকিৎসকে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
