‘ককৰোচ জনতা পাৰ্টি’ৰ প্ৰতিষ্ঠাপক অভিজিৎ দীপকেৰ পিতৃ-মাতৃয়ে অভিযোগ কৰিছে যে ‘তেওঁলোকৰ পুত্ৰক বিজেপিত যোগ দিবলৈ হেঁচা দিয়া হৈছিল আৰু বিজেপিত যোগ নিদিলে তেওঁৰ পৰিয়ালে গুৰুতৰ পৰিণাম ভুগিব লাগিব বুলি ধমকি দিয়া হৈছিল।’ এই ধমকিৰ পিছত মহাৰাষ্ট্ৰৰ ছত্ৰপতি সম্ভাজী নগৰত বাস কৰা দীপকেৰ পিতৃ-মাতৃয়ে কিছু সময়ৰ বাবে নিজৰ ঘৰ এৰি আত্মীয়ৰ ঘৰত আশ্ৰয় ল’বলগীয়া হৈছিল। ইণ্ডিয়া টুডেৰ এক প্ৰতিবেদন অনুসৰি, দীপকেৰ মাতৃ অনীতা দীপকেই এটা সাক্ষাৎকাৰত এই অভিযোগ উত্থাপন কৰে।
উল্লেখ্য যে অভিজিৎ দীপকেই আন্দোলন আৰম্ভ কৰাৰ কিছুদিন পিছতে এটা ভিডিঅ’ৰ জৰিয়তে পোৱা ধমকিৰ বিষয়ে পৰিয়ালক অৱগত কৰিছিল। অনীতা দীপকেৰ মতে, সেই ভিডিঅ’ত অভিজিতক বিজেপিত যোগ দিবলৈ কোৱা হৈছিল আৰু সেয়া নকৰিলে তেওঁৰ পিতৃ-মাতৃক লক্ষ্য কৰি লোৱাৰ ধমকি দিয়া হৈছিল। অনীতা দীপকেই লগতে কয় যে-অভিজিতে প্ৰথমে এই বিষয়টো পৰিয়ালক জনোৱা নাছিল। পিছত পিতৃ-মাতৃৰ নিৰাপত্তাৰ কথা চিন্তা কৰি কিছুদিন আত্মগোপন কৰাৰ পৰামৰ্শ দিয়ে। অভিজিতৰ পৰামৰ্শ মতেই কিছুদিনৰ বাবে পিতৃ-মাতৃয়ে ঘৰ এৰি অন্য ঠাইত আত্মগোপন কৰে বুলি মাতৃ অনীতাই কয়।
অভিজিতৰ মাতৃ অনীতা দীপকেৰ মতে, অভিজিতে কোনো ধমকিত ভয় নকৰে, কিন্তু পিতৃ-মাতৃয়ে কোনো অপ্ৰীতিকৰ পৰিস্থিতিৰ সন্মুখীন হোৱাটো নিবিচাৰে। সেয়ে পিতৃ-মাতৃয়ে কোকণ অঞ্চলৰ এজন আত্মীয়ৰ ঘৰত প্ৰায় ১৬ দিন ধৰি আশ্ৰয় লৈ আছিল। পিতৃ ভগৱান দীপকেৰ ৰক্তচাপ কম থকাৰ বাবে তেওঁ পিতৃ-মাতৃৰ সুৰক্ষাক লৈ বিশেষভাৱে চিন্তিত আছিল। অভিজিৎ দীপকে বিভিন্ন পৰীক্ষাত সংঘটিত হোৱা অনিয়মৰ বিৰুদ্ধে দিল্লীত ৩৬ দিন ধৰি চলোৱা আন্দোলনৰ নেতৃত্ব দি গৃহ চহৰ ছত্ৰপতি সম্ভাজীনগৰলৈ উভতি অহাৰ পিছতে পোহৰলৈ আহিছে এই মন্তব্য।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
