বিগত ৬ জুনত দিল্লীৰ যন্তৰ-মন্তৰত NEET প্ৰশ্নকাকত ফাদিলৰ বিৰুদ্ধে আৰু কেন্দ্ৰীয় শিক্ষামন্ত্ৰী ধৰ্মেন্দ্ৰ প্ৰধানৰ পদত্যাগৰ দাবীত নৱগঠিত cockroach janata partyৰ প্ৰথমটো প্ৰতিবাদী কাৰ্যসূচী সম্পন্ন হৈ যায়। এই প্ৰতিবাদী কাৰ্যসূচীৰ নেতৃত্ব দিয়ে CJPৰ প্ৰতিষ্ঠাপক অভিজৎ দীপকেই। আনহাতে লাডাখৰ ছ’চিয়েল এক্টিভিটিষ্ট চোনম ৱাংচুকেও এই আন্দোলনত অংশগ্ৰহণ কৰে। CJPৰ প্ৰথমটো প্ৰতিবাদী কাৰ্যসূচী শান্তিপূৰ্ণভাৱে সম্পন্ন হৈ যায়। প্ৰথম দিনাৰ কাৰ্যসূচীৰ অন্তত CJPৰ মুখপাত্ৰ সৌৰভ দাস আৰু আশুতোষ ৰাংকাই ৭ দিনৰ ভিতৰত কেন্দ্ৰীয় শিক্ষামন্ত্ৰী ধৰ্মেন্দ্ৰ প্ৰধানে পদত্যাগ নকৰিলে দলটোৰ সমৰ্থকসকলে পুনৰ ৭ দিনৰ অন্তত প্ৰতিবাদী কাৰ্যসূচী ৰূপায়ণ কৰিব বুলি হুংকাৰ দিয়ে।
আন্তঃৰাষ্ট্ৰীয় সংবাদ মাধ্যমত কেনেধৰণে প্ৰকাশ কৰা হৈছে CJPৰ আন্দোলনৰ খবৰ?
ইপিনে দেশৰ ৰাজধানী দিল্লীত ৰূপায়ণ কৰা এই অন্দোলনৰ খবৰ বিশ্বৰ বিভিন্ন আগশাৰীৰ সংবাদ মাধ্যমে মূল বাতৰি হিচাপে প্ৰকাশ আৰু সম্প্ৰচাৰ কৰা দেখা গৈছে। আমেৰিকাৰ সংবাদ গোষ্ঠী CNN-এ ‘ভাৰতৰ নতুন যুৱ ৰাজনৈতিক দলৰ প্ৰথমটো প্ৰতিবাদ’ শিৰোনামেৰে প্ৰকাশ কৰে আন্দোলনৰ বাতৰি। বাতৰিটোত ‘দীৰ্ঘদিনৰ পৰা চলি অহা পৰীক্ষা কেংলেকাৰি, নিবনুৱা সমস্যাত অতিষ্ঠ হৈ ভাৰতৰ যুৱপ্ৰজন্মই ৰূপায়ণ কৰে প্ৰতিবাদী কাৰ্যসূচী’ বুলি প্ৰকাশ কৰে। CNNৰ বাতৰিটোত ভাৰতৰ মুখ্য ন্যায়াধীশৰ মন্তব্যটোৰ প্ৰসংগৰে কেনেকৈ cockroach janata partyৰ জন্ম হ’ল ইয়াকো বৰ্ণনা কৰা দেখা যায়।
আনহাতে ফ্ৰান্সৰ আগশাৰীৰ সংবাদগোষ্ঠী FRANCE24তো শিৰোনাম দখল কৰে cockroach janata partyৰ আন্দোলনে। FRANCE24ৰ বাতৰিটোত ‘cockroach janata party আহি আছে, ধৰ্মেন্দ্ৰ প্ৰধান আঁতৰিছে’ শ্লোগানক প্ৰাধান্য দি প্ৰকাশ কৰে উক্ত বাতৰিটো। ইয়াৰ উপৰিও ছাউথ চাইনা মৰ্নিং পোষ্টত cockroach janata party-এ আগন্তুক দিনত সন্মুখীন হ’বলগীয়া পৰিস্থিতিৰে কিদৰে মোকাবিলা কৰিব তাক লৈ বিস্তৃত বাতৰি প্ৰকাশ কৰে।
মধ্যপ্ৰাচ্য তথা আৰৱ দেশসমূহৰ প্ৰধান সংবাদগোষ্ঠী আল জাজিৰাত NEET প্ৰশ্নকাকত ফাদিল প্ৰসংগৰ বাবে ভাৰতৰ যুৱ প্ৰজন্ম বিগত কিছু সময়ৰ পৰা যথেষ্ট অসন্তুষ্ট বুলি প্ৰকাশ কৰে। আনহাতে গল্ফ নিউজ, পাকিস্তান আৰু বাংলাদেশৰ প্ৰায়কেইখন আগশাৰীৰ সংবাদপত্ৰত cockroach janata partyৰ আন্দোলনৰ খবৰ মূল বাতৰি হিচাপে প্ৰকাশ পাইছে।
ইপিনে জাৰ্মান সংবাদগোষ্ঠী DW-এ NEETক ভাৰতৰ কঠিনতম পৰীক্ষাসমূহৰ ভিতৰত অন্যতম বুলি প্ৰকাশ কৰি cockroach janata partyৰ আন্দোলৰ বাতৰিটো বিস্তৃতভাৱে প্ৰকাশ কৰে।
এই বাতৰিটো যুগুতাইছে মানসজ্যোতিয়ে
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
