অসম লাইভ২৪ঃ পৃথিৱীৰ বহুকেইটা স্থানত বৃদ্ধি হৈছে কভিড সংক্ৰমনৰ ঘটনা। হঠাতেই আকৌ কভিডৰ ঢৌ বিশ্বত। ভাৰততো ইতিমধ্যেই কভিড বৃদ্ধিৰ সম্ভাৱনা বৃদ্ধি পোৱাৰ কথা কেন্দ্ৰীয় স্বাস্থ্য মন্ত্রণালয়ে প্ৰকাশ কৰিছে। কেন্দ্ৰীয় স্বাস্থ্যমন্ত্ৰী মনসুখ মাণ্ডৱিয়াই বুধবাৰে দেশৰ কভিড স্থিতি পৰ্যবেক্ষণ কৰে। কভিড পৰিস্থিতি পৰ্যবেক্ষণ কৰাৰ পাছতেই কয় যে সতৰ্ক হোৱাৰ সময় আহি পৰিছে।
কভিড পৰিস্থিতিক লৈ ক্ষন্তেক পাছতেই বৈঠকত মিলিত হ’ব কেন্দ্ৰীয় স্বাস্থ্যমন্ত্ৰী মনসুখ মাণ্ডৱিয়া। বিশেষজ্ঞসকলৰ সৈতে বৈঠকত মিলিত হোৱাৰ পূৰ্বেই বুধবাৰে স্বাস্থ্যমন্ত্ৰীগৰাকীয়ে কয়, ‘আমি পূৰ্বেই সাৱধান হৈ থাকিলে যিকোনো পৰিস্থিতিৰে মোকাবিলা কৰিব পাৰিম।’ জাপান, আমেৰিকা, কোৰিয়া, ব্ৰাজিল আৰু চীনত ইতিমধ্যে কভিডৰ সংক্ৰমন বৃদ্ধি পাইছে। দেশতো কভিড বৃদ্ধিৰ শংকাৰে কেন্দ্ৰীয় শাষিত অঞ্চলৰ লগতে দেশৰ বহুকেইটা স্থানত কভিড পৰীক্ষাৰ বাবে নিৰ্দেশ দিছে কেন্দ্ৰীয় স্বাস্থ্যমন্ত্ৰণালয়ে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
