ৰাছিয়াৰ ইউক্ৰেইন আগ্ৰাসনৰ বিৰূপ প্ৰভাৱ পৰিছে সমগ্ৰ বিশ্বৰ অৰ্থনীতিত। আন্তঃৰাষ্ট্ৰীয় স্তৰত পৰা এই বিৰূপ প্ৰভাৱৰ পৰা মুক্ত নহয় ভাৰত।
যুদ্ধৰ পৰিণতিত বিশ্বৰ বজাৰত অভাৱনীয় ভাৱে খাৰুৱা তেলৰ মূল্য বৃদ্ধি পাইছে। প্ৰতি বেৰেল খাৰুৱা তেলৰ মূল্য ১৩৯.১৩ ডলাৰলৈ বৃদ্ধি হৈছে। ইয়াৰ পৰিণতিত ভাৰততো পেট্ৰ’ল-ডিজেলৰ অভাৱনীয় মূল্য বৃদ্ধি প্ৰায় নিশ্চিত হৈ পৰিছে। ইফালে উত্তৰ প্ৰদেশৰ নিৰ্বাচনৰ পিছতে কেন্দ্ৰ চৰকাৰে দেশত ইন্ধনৰ মূল্য বৃদ্ধি কৰিব বুলি বিভিন্ন সূত্ৰই প্ৰকাশ কৰি আহিছে৷
খাৰুৱা তেলৰ এই বৰ্ধিত দৰে ভংগ কৰিলে ১৪ বছৰৰ অভিলেখ। অর্থনীতি বিশেষজ্ঞসকলে আন্তঃৰাষ্ট্ৰীয় বজাৰত খাৰুৱা তেলৰ দাম বঢ়াৰ পৰিণতিত দেশত ১৫-২০ টকা পৰ্যন্ত পেট্ৰ’ল-ডিজেলৰ দাম বঢ়াৰ আশংকা ব্যক্ত কৰিছে।
লগতে পঢ়ক গ্ৰেপ্তাৰ হ’ব অভিনেত্ৰী সোণাক্ষী সিনহা! সোণাক্ষীৰ বিৰুদ্ধে জামিনবিহীন গ্ৰেপ্তাৰী পাৰোৱানা জাৰি
ইপিনে, এই যুদ্ধৰ প্ৰভাৱত টকাৰ মূল্যৰ পতন ঘটিছে। একপ্ৰকাৰ সৰ্বকালৰ অভিলেখ ভংগ কৰি টকাৰ মূল্য সোমবাৰে ডলাৰৰ তুলনাত আৰু ১ শতাংশ হ্ৰাস হৈছে। সোমবাৰে প্ৰতি ডলাৰত টকাৰ মূল্য হ’লগৈ ৭৬.৯২ টকা।
২০২১ৰ ডিচেম্বৰত প্ৰতি ডলাৰত টকাৰ মূল্য ৭৬.১৬ টকালৈ হ্ৰাস আছিল। তাৰপাছত এয়াই হৈছে টকাৰ মূল্যৰ সৰ্ব নিম্ন পতন। ইপিনে, ভাৰতীয় বজাৰত সোণ-ৰূপৰো দাম বাঢ়িল। সোমবাৰে ১.৮ শতাংশ বৃদ্ধি হৈ প্ৰতি ১০ গ্ৰাম সোণৰ দাম হ’লগৈ ৫৩,৫০০ টকা। ২০২১ৰ আগষ্টৰ পাছত প্ৰথমবাৰৰ বাবে সোণৰ দৰ শিখৰত উঠিল।
লগতে পঢ়ক ৰাছিয়া-ইউক্ৰেইন যুদ্ধ : সৰ্বকালৰ অভিলেখ ভংগ কৰিব খাৰুৱা তেলৰ মূল্যই!
ইপিনে, ১.৫ শতাংশ বৃদ্ধি হৈ প্ৰতি কিলোগ্ৰাম ৰূপৰ দাম হ’লগৈ ৭০,১৭৩ টকা। যুদ্ধ বিধ্বস্ত এই অৰ্থনীতিয়ে সাধাৰণ জনতাৰ জীৱন প্ৰভাৱিত কৰাৰ আশংকা নুই কৰিব নোৱাৰি। এই যুদ্ধই কিছুমান নিত্যপ্ৰয়োজনীয় খাদ্য সামগ্ৰীৰ দামটো প্ৰভাৱ পেলোৱাৰ শংকা আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
