বলিউদৰ মোহময়ী অভিনেত্ৰী সোণাক্ষী সিনহা পুনৰ সংবাদ শিৰোনামলৈ আহিছে। সূত্ৰসমূহে জনাইছে যে অভিনেত্ৰীগৰাকীৰ বিৰুদ্ধে ৩৭ লাখ টকাৰ প্ৰৱঞ্চনাৰ গোচৰত জামিন অযোগ্য গ্ৰেপ্তাৰী পাৰোৱানা জাৰি কৰা হৈছে।
অভিনেত্ৰী সোণাক্ষী সিনহাৰ বিৰুদ্ধে দিল্লীত এটা অনুষ্ঠানৰ বাবে ৩৭ লাখ টকা আদায় লৈ অনুষ্ঠানটোত উপস্থিত নথকাৰ অভিযোগ উত্থাপন কৰা হৈছিল৷ সোণাক্ষীৰ বিৰুদ্ধে অনুষ্ঠানটোৰ আয়োজকে ধন ঘূৰাই দিয়াৰ বাবে বাৰে বাৰে কৰা অনুৰোধক উপেক্ষা কৰি অহাৰ অভিযোগ কৰি আহিছে৷
ইয়াৰ পিছতে মোৰাদাবাদ অঞ্চলৰ বাসিন্দা অনুষ্ঠানৰ আয়োজক প্ৰমোদ শৰ্মাই সোণাক্ষীৰ বিৰুদ্ধে এটা প্ৰৱঞ্চনাৰ গোচৰ ৰুজু কৰে।
লগতে পঢ়ক উদ্ধাৰ অভিযান বন্ধ, ৰুছ সেনাৰ গোলাবৰ্ষণ : যুদ্ধবিৰতি উলংঘা ৰাছিয়াৰ!
গোচৰ ৰুজু কৰি অভিযোগকাৰী শৰ্মাই কয় যে সোণাক্ষী মোৰাদাবাদৰ অনুষ্ঠানটোত মুখ্য অতিথি হোৱাৰ কথা আছিল। কিন্তু, তেওঁ ধন আদায় লৈও অনুষ্ঠানটোত উপস্থিত হোৱা নাছিল।
অনুষ্ঠানটোৰ আয়োজক প্ৰমোদ শৰ্মাৰ মতে দাবাং গাৰ্লৰ মেনেজাৰে কোনো ধন ঘূৰাই দিয়া নহয় বুলি জনাইছিল৷ ইফালে প্ৰৱঞ্চনাৰ গোচৰটো পঞ্জীয়ন হোৱাৰ পিছতে সোণাক্ষীয়ে মোৰাদাবাদলৈ গৈ নিজৰ বিবৃতি লিপিবদ্ধ কৰে৷
কিন্তু তাৰ পিছতে গোচৰ সন্দৰ্ভত সোণাক্ষীয়ে আদালতক কোনো সঁহাৰি জনোৱা নাই বুলি অভিযোগ কৰা হৈছে। ইয়াৰ পিছতে সোণাক্ষী সিনহাৰ বিৰুদ্ধে জামিন অযোগ্য ধাৰাৰ অধীনত গ্ৰেপ্তাৰ পৰোৱানা জাৰি কৰা হৈছে।
লগতে পঢ়ক এই লক্ষণ দেখিলেই বুজিব স্ত্ৰী তৃতীয় ব্যক্তিৰ প্ৰতি আসক্ত! সেই লক্ষণসমূহ কি কি?
উল্লেল্য যে কেইদিনমান আগতে ছ’চিয়েল মিডিয়াত এখন ফ’টো ভাইৰেল হৈ পৰিছিল, যিখনে সমগ্ৰ দেশজুৰি চাঞ্চল্যৰ সৃষ্টি কৰে। ফ’টোখনত বলিউদৰ ছুপাৰষ্টাৰ চলমান খানক দৰাৰ সাজত আৰু সোনাক্ষী সিনহাক কইনাৰ সাজত দুয়োৱে দুয়োকে আঙুঠি পিন্ধোৱা দেখা গৈছে৷
এই ফ’টোখনৰ পিছতে চলমান খান আৰু সোণাক্ষী সিনহাই গোপনে বিবাহপাশত আৱদ্ধ হোৱা বুলিও চৰ্চা লাভ কৰিছিল৷ অৱশ্যে সেয়া পিছত উৰা বাতৰি বুলিহে প্ৰকাশ পাইছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
