অসম লাইভ ২৪ঃ প্ৰধানমন্ত্ৰীৰ ‘কাষ্টমাইজড ক্ৰেচ ক’ৰ্ছ’ৰ জৰিয়তে নতুন ফ্ৰণ্টলাইন ৱৰ্কাৰ্চ সাজু কৰিব দেশে। অহা ৩ মাহৰ ভিতৰত ১ লাখ নতুন কোভিড যোদ্ধাক বিভিন্ন প্ৰশিক্ষণ প্ৰদান কৰি সাজু কৰি তুলিব। ‘কাষ্টমাইজড ক্ৰেচ ক’ৰ্ছ’ৰ অধীনত ২৬ খন ৰাজ্যত ১১১ টা কেন্দ্ৰত প্ৰশিক্ষণ প্ৰদান কৰিব যুৱক-যুৱতীক। প্ৰধানমন্ত্ৰীৰ দক্ষতা বিকাশ যোজনাৰ অধীনত ৬ টা বিষয়ৰ পাঠ্যক্ৰমত প্ৰশিক্ষণ প্ৰদান কৰিব। শুকুৰবাবে প্ৰধানমন্ত্ৰী নৰেন্দ্ৰ মোদীয়ে উদ্বোধন কৰে এই আঁচনিৰ। ঘৰুৱা সেৱাৰ সহায়ক, প্ৰাথমিক সেৱাৰ সহায়ক, উন্নত সেৱা সহায়ক, জৰুৰীকালীন সেৱা সহায়ক, নমুনা সংগ্ৰহৰ সহায়ক, মেডিকেল ইকুইউপমেণ্ট চাপ’ৰ্ট এইকেইটা বিষয়ত প্ৰশিক্ষণ প্ৰদান কৰিব ‘কাষ্টমাইজড ক্ৰেচ ক’ৰ্ছ’ৰ অধীনত। এই পাঠ্যক্ৰমৰ অধীনত দক্ষতা বিকাশৰ প্ৰশিক্ষণ প্ৰদান কৰাৰ লগতে পূৰ্বৰে পৰা এই ক্ষেত্ৰখনত জড়িত লোকসকলক উন্নত প্ৰশিক্ষণ প্ৰদান কৰা হ’ব। ভৱিষ্যতে কোভিড আক্ৰান্ত লোকৰ সহায় হোৱাকৈ এই আঁচনি গ্ৰহণ কৰিছে কেন্দ্ৰীয় চৰকাৰে। উল্লেখ্য, অনাগত ৬ৰ পৰা ৮ সপ্তাহৰ ভিতৰত পুনৰ কোভিডৰ তৃতীয় ঢৌৰ আশংকা প্ৰকাশ কৰা হৈছে। এই সন্দৰ্ভত সতৰ্কবাণী দিছে এইমচৰ মুৰব্বী ডাঃ ৰণদ্বীপ গোলেৰিয়াই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
