চলিত সপ্তাহতেই আহিব সুখবৰ। কেন্দ্ৰীয় চৰকাৰৰ কৰ্মীৰ মহাৰ্ঘ ভাট্টা বৃদ্ধিত অনুমোদন দিব পাৰে কেন্দ্ৰীয় মন্ত্ৰীসভাই। চৰকাৰী কৰ্মী ইউনিয়ন ফোৰামৰ সদস্যসকলৰ মতে DAৰ ওপৰিও DR বৃদ্ধিতো অনুমোদন দিব পাৰে কেবিনেটে।
ডিএ আৰু ডিআৰৰ সংশোধন মন্ত্ৰীসভাৰ আলোচ্যসূচিত থাকিব পাৰে। কাৰণ দুটা ভাট্টাৰ বৃদ্ধিৰ এটা সাধাৰণতে মাৰ্চত হয় আৰু আনটো অক্টোবৰত হয়। ডিএ আৰু ডি আৰ বৃদ্ধি মাৰ্চত অনুমোদিত হয় আৰু জানুৱাৰীলৈকে ই কাৰ্যকৰী হয়।
DA বৃদ্ধিৰ বিষয়ে কি কৈছে কনফেডাৰেছনে?
এই অনুমোদনৰ বিষয়ে কেন্দ্ৰীয় চৰকাৰৰ কৰ্মচাৰী আৰু শ্ৰমিকৰ কনফেডাৰেছনৰ সভাপতি ৰূপক চৰকাৰে কৈছে, কেন্দ্ৰীয় মন্ত্ৰীসভাৰ পৰবৰ্তী বৈঠকত এই বৃদ্ধিৰ কথা ঘোষণা কৰা হব বুলি আশা কৰা হৈছে। তেওঁ লগতে কয় যে মহাৰ্ঘ ভাট্টা বৃদ্ধি সম্ভৱত ২ শতাংশকৈ হব। কাৰণ ইয়াৰ মুদ্ৰাস্ফীতিৰ সৈতে তুলনা কৰি ধৰা হয়। যি বিগত বছৰৰ তুলনাত এই বছৰ হ্ৰাস পাইছে। ইয়াৰ পূৰ্বে ডি এ অক্টোবৰত ৩ শতাংশ আৰু মাৰ্চ মাহত ৪শতাংশ বৃদ্ধি কৰা হৈছিল।
কিমান শতাংশ ডি এ বাঢ়িব?
বিগত বছৰৰ অক্টোবৰত ৩ শতাংশ বৃদ্ধিৰ পাছত ডি এ মূল দৰমহাৰ ৫৩শতাংশ বাঢ়িছে। যদি আসন্ন সংশোধনত ডি এ ২শতাংশ বঢ়োৱা হয় তেন্তে এই ভাট্টা মূল বেতনৰ ৫৫শতাংশলৈ উন্নীত হব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
