অসম লাইভ ২৪ঃ আচৰ্য্যকৰ! চিকিৎসকে মৃত ঘোষণা কৰা ব্যক্তিয়ে ৭ ঘণ্টাৰ পাছত ল’লে উশাহ৷ উত্তৰ প্ৰদেশৰ মুৰাদাবাদত সংঘটিত হৈছে এই বিস্ময়কৰ ঘটনা৷ দুৰ্ঘটনাত পতিত হৈ গুৰুতৰভাৱে আহত হোৱা এগৰাকী ব্যক্তিক মৃত ঘোষণা কৰে চিকিৎসকে৷ নিশা চিকিৎসালয়ৰ মৰ্গত ৰাখি পুৱা প’ষ্টমৰ্টেম কৰিবলৈ লোৱা সময়তে উশাহ ল’বলৈ আৰম্ভ কৰে মৃত ঘোষিত শ্ৰীকেশে৷ ঘটনা দেখি আচম্বিত হৈ পৰে প’ষ্টমৰ্টেম কৰা ব্যক্তি৷ শুকুৰবাৰে পুৱা ১১ বজাত সংঘটিত হয় এই ঘটনা৷ দুৰ্ঘটনা সংঘটিত হোৱাৰ পাছত মুৰাদাবাদৰ তিনিখন ব্যক্তিগত চিকিৎসালয়ত ভৰ্তি কৰোৱা হৈছিল ব্যক্তিগৰাকীক৷ আচৰ্য্যজনকভাৱে তিনিওখন হাস্পতালতেই মৃত ঘোষণা কৰা হৈছিল শ্ৰীকেশক৷ সম্প্ৰতি এই ঘটনাই চাঞ্চল্যৰ সৃষ্টি কৰিছে অঞ্চলজুৰি৷ হাস্পতাল কৰ্তৃপক্ষ তথা চিকিৎসকৰ দায়িত্বজ্ঞানহীনতা বিষয়টোও চৰ্চালৈ আহিছে৷ কিন্তু এনেকুৱা ঘটনা এইয়াই প্ৰথম নহয়৷ পূৰ্বেও দেশৰ বিভিন্ন প্ৰান্তত এনেঘটনাৰ কথা পোহৰলৈ আহিছে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
