পুনৰ আন এক অগ্নিকাণ্ডৰ শিহৰণকাৰী ঘটনা, হাস্পতালত হোৱা ঘটনাত ৭ নৱজাত শিশুৱে হেৰুৱালে প্ৰাণ
গুজৰাটৰ গেমিং জ’নৰ ভয়ংকৰ অগ্নিকাণ্ডৰ ঘটনাৰ পাছত আহিছে আন এক শোকৱাহ অগ্নিকাণ্ডৰ ঘটনা। এখন হাস্পতালত সংঘটিত হোৱা অগ্নিকাণ্ডত প্ৰাণ হেৰুৱালে ৭ টি কৈ নৱজাত শিশুৱে।
ৰাজধানী দিল্লীৰ এখন হাস্পতালত সংঘটিত হৈছে এই ঘটনা। নৱজাত শিশু ৰখা কেয়াৰ চেণ্টাৰতে সংঘটিত হয় এই অগ্নিকাণ্ড। যাৰ ফলতে প্ৰাণ হেৰুৱাই ৭
টিকৈ শিশুৱে। মুঠ ১২ টা শিশু আছিল বেবী কেয়াৰ হল টোত। অন্য ৫ টি শিশুৱো আহত হয় এই অগ্নিকাণ্ডৰ ফলত।
দিল্লীৰ বিবেক বিহাৰ অঞ্চলৰ এটা বেবী কেয়াৰ চেণ্টাৰত শনিবাৰে গভীৰ নিশা সংঘটিত হয় এক অগ্নিকাণ্ড। বৰ্তমানে ৫টা শিশু চিকিৎসালয়ত ভৰ্তি হৈ আছে।
অগ্নিনিৰ্বাপক বাহিনীয়ে জনোৱা মতে, নিশা প্ৰায় ১১.৩২ মান বজাত ফোন আহে এই অগ্নিকাণ্ডটোৰ বাবে । খবৰ লাভৰ লগে লগে ৯ খন অগ্নিনিৰ্বাপক বাহিনীৰ নিবিদা সেই স্থানলৈ প্ৰেৰণ কৰে। বিষয়াসকলে জনোৱা মতে, হাস্পতালখনৰ পৰা ১২টা নৱজাতক উদ্ধাৰ কৰা হৈছিল। কিন্তু পাছলৈ ৭ টিৰ মৃত্যু হয়।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
