অসম লাইভ২৪ঃ দিল্লীত এগৰাকী যুৱতীক ১২ কিঃমিঃ চোঁচৰাই নি হত্যা কৰিছিল ৫ ধৃতই। লগে লগেই ধৃত ৫ যুৱকক গাড়ীৰ নম্বৰক ভিত্তি কৰিয়েই আটক কৰিছিল আৰক্ষীয়ে। আৰক্ষীৰ জেৰাত ধৃত ৫ যুৱকে দিয়া স্বীকাৰোক্তি শুনি আচৰিত হৈছে আৰক্ষীও। ধৃত ৫ যুৱকে স্বীকাৰ কৰামতে ঠাণ্ডা মগজুৰে অঞ্জলিক ১২ কিঃমিঃ চোঁচৰাই নিছিল। গাড়ীৰ চকাত বান্ধি চোঁচৰাই নিছিল অঞ্জলিক। দুৰ্ঘটনাৰ কেইটামান মুহূৰ্ততেই গাড়ীত থকা ৫ যুৱকে স্কুটিত থকা যুৱতীগৰাকী গাড়ীৰ চকাত লাগি ধৰাৰ উমান পাইছিল। জানিও যুৱতীগৰাকীক উদ্ধাৰৰ চেষ্টা কৰাৰ সলনি চোঁচৰাই লৈ যোৱা বুলি আৰক্ষীৰ জেৰাত স্বীকাৰ কৰিছে ৫ ধৃতই।
যুৱতীগৰাকী চকাত লাগি ধৰাৰ পাছতেই বঢ়াই দিছিল গাড়ীৰ স্পীড। এটাৰ পাছত আনটো ইউটাৰ্নো লৈছিল। শেষলৈ যুৱতীগৰাকীৰ শৰীৰটো পৰি গৈছিল পদপথত। দুৰ্ঘটনাৰ ভয়াৱহ কাণ্ডই শিহঁৰিত কৰিছে সকলোকে। কেনেকৈ সুস্থ মগজুৰে মানুহে মানুহক হত্যা কৰিব পাৰে?
ধৃত ৫ যুৱকে প্ৰথমে এই অপৰাধ স্বীকাৰ কৰা নাছিল। আৰক্ষীৰ সন্মুখত দিয়া প্ৰথমটো স্বীকাৰোক্তিত ৫ ধৃতই প্ৰকাশ কৰা মতে, কেনেকৈ যুৱতীগৰাকী গাড়ীৰ চকাত লাগিছিল গমেই পোৱা নাছিল। গাড়ীত যিহেতু দ্ৰুত স্বৰত গান বাজি আছিল সেয়ে যুৱতীৰ চিৎকাৰো শুনা নাছিল বুলি প্ৰকাশ কৰিছিল ৫ ধৃতই। পাছলৈ আৰক্ষীৰ জেৰাত শনিবাৰে দুৰ্ঘটনাটো সুস্থ মগজুৰেই কৰা বুলি স্বীকাৰ কৰিছে ধৃত ৫ যুৱকে।
যুৱতীগৰাকীৰ শৰীৰটো গাড়ীৰ চকাত লাগি ধৰাত শংকিত হৈছিল কিয়নো এই কাণ্ড আৰক্ষীৰ কাষ পাবই। সেইবাবেই দেহটো গাড়ীৰ চকাৰ পৰা এৰুওৱাৰ সলনি পলায়নৰ চেষ্টা কৰিছিল বুলি প্ৰকাশ কৰিছে ৫ ধৃতই। দীপক খান্না নামৰ যুৱকে দুৰ্ঘটনাৰ সময়ত বাহনখন চলাইছিল বুলিও স্বীকাৰোক্তিত প্ৰকাশ কৰিছে। ইয়াৰোপৰি দীপকৰ কোনো লাইছেন্সো নাছিল।
লাইছেন্স নথকাকৈয়ে ৰাজপথত বাহন চলোৱাৰ বাবে অন্য এক গোচৰো নিজাববীয়াকৈ ৰুজু কৰিছে দিল্লী আৰক্ষীয়ে। এই কাণ্ডৰ জড়িত মুঠ ৭ যুৱকক আৰক্ষীয়ে আটক কৰিছিল যদিও তাৰে অংকুশ খান্না নামৰ এজন অভিযুক্তক ২০ হাজাৰ টকা জৰিমনা বিহি জামিন প্ৰদান কৰা হৈছে বুলিও আৰক্ষীয়ে প্ৰতিবেদনত প্ৰকাশ কৰা পৰিলক্ষিত হৈছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
