‘ধুৰন্ধৰ’ ছবিখন যদি চাইছে তেন্তে ৰহমান মতা তথা অক্ষয় খান্নাৰ ৰান্ধনিৰ চৰিত্ৰত অভিনয় কৰা অভিনেতাজনক সকলোৱে জানে৷ চিনেমাত তেওঁক দীৰ্ঘদিন পুৰণি মালিকৰ সৈতে বিশ্বাসঘাতকতা কৰাৰ বাবে মাৰ খাইছিল ৰণবীৰ সিঙৰ হাতত৷ এইবাৰ বাস্তৱতো সেই অভিনেতাৰ বিৰুদ্ধে গুৰুতৰ অভিযোগ উঠিছে৷ বিবাহৰ প্ৰতিশ্ৰুতি দি বিগত ১০ বছৰ ধৰি ঘৰৰ পৰিচাৰিকাক লেথাৰিকৈ ধৰ্ষণ কৰাৰ অভিযোগ উঠিছে তেওঁৰ বিৰুদ্ধে৷ মুম্বাই আৰক্ষীয়ে অভিযোগ লাভ কৰাৰ পাছতেই তেওঁক গ্ৰেপ্তাৰ কৰিছে৷
৪১ বছৰীয়া সেই মহিলাৰ অভিযোগ অনুসৰি নাদিম খানক ২২ জানুৱাৰীত গ্ৰেপ্তাৰ কৰা হৈছে৷ বৰ্তমানলৈ আৰক্ষীৰ জিম্মাতেই আছে৷ নাদিমক সম্প্ৰতি ধুৰন্ধৰ ছবিতো দেখা গৈছে৷ সেই মহিলাৰ অভিযোগ অনুসৰি তেওঁ একাধিক অভিনেতাৰ ঘৰত পৰিচাৰিকাৰ কাম কৰি আহিছে আৰু কেইবা বছৰ পূৰ্বে নাদিমৰ তেওঁৰ সৈতে পৰিচয় হয়৷ তাৰপিছতেই দুয়োৰে মাজত সম্পৰ্ক গঢ়ি উঠে৷ মহিলাৰ অভিযোগ, নাদিম খানে তেওঁক বিয়া কৰোৱাৰ প্ৰতিশ্ৰুতি দিছিল আৰু সেই প্ৰতিশ্ৰুতি দিয়েই নাদিম খানে তেওঁক একাধিকবাৰ ধৰ্ষণ কৰিছে৷ কেতিয়াবা পৰিচাৰিকাৰ ঘৰ মালৱানিত আৰু কেতিয়াবা অভিনেতাৰ ভাৰ্ছোভাত থকা ঘৰত ধৰ্ষণ চলাইছিল৷ বিগত ১০ বছৰে তেওঁক ধৰ্ষণ কৰি অহাৰো অভিযোগ দিছে পৰিচাৰিকাই৷
শেহতীয়াভাৱে মহিলাক বিয়া কৰোৱাত অস্বীকাৰ কৰে তেওঁ৷ ইয়াৰপাছতেই মহিলাগৰাকীয়ে ভাৰ্ছোভা আৰক্ষী থানালৈ গৈ অভিযোগ দাখিল কৰে৷ যিহেতু প্ৰথমবাৰ এই অপৰাধ মালোৱানি এলেকাত পৰিচাৰিকাৰ ঘৰত হৈছে সেয়ে ভাৰ্ছোভা আৰক্ষীয়ে সেয়া স্থানান্তৰ কৰে মালৱানি থানাত৷ ভয় দেখুৱাই জোৰ কৰি সহবাসৰো অভিযোগ উঠিছে নাদিমৰ বিৰুদ্ধে৷ ইতিমধ্যেই ঘটনাৰ তদন্ত আৰম্ভ হৈছে৷ প্ৰশাসনে কৈছে যে অভিনেতাৰ বিৰুদ্ধে এই ধৰণৰ কোনো অভিযোগ পূৰ্বে দাখিল হোৱা নাছিল৷ এইবাৰেই প্ৰথমবাৰৰ বাবে এই অভিযোগ উত্থাপিত হৈছে অভিনেতাৰ বিৰুদ্ধে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
