অসম লাইভ২৪ঃ ২০২২ চনৰ এপ্ৰিল মাহত বিবাহ তাৰপিছতেই নৱেম্বৰত কন্যা সন্তানৰ পিতৃ-মাতৃ হয় আলিয়া ভাট্ট আৰু ৰণবীৰ কাপূৰ। কন্যা ৰাহাক লৈ এতিয়া খুবেই ব্যস্ত আলিয়া-ৰণবীৰ। ৰাহাক একমুহূৰ্তও চকুৰ আঁতৰত ৰাখিব নোখোজে ৰণবীৰে বুলি এক সাক্ষাৎকাৰত নিজেই উল্লেখো কৰিছে ৰণবীৰে। নিজৰ ছবি প্ৰমোছন, বিদেশ ভ্ৰমণ, আম্বানীৰ পাৰ্টী সকলোতে ৰাহাক কোলাত লৈয়ে যাত্ৰা কৰে ৰণবীৰে।
ৰাহাৰ বয়স বৰ্তমান ডেৰ বছৰ। মাত্ৰ ডেৰ বছৰ বয়সতেই ৰাহাই বলীউডৰ আটাইতকৈ ধনী তাৰকা সন্তানৰ লিষ্টত প্ৰথমশাৰীলৈ উন্নিত হৈছে। কিন্তু মাত্ৰ ডেৰ বছৰ বয়সতে কেনেকৈ ইমান সম্পত্তিৰ অধিকাৰী হয় ৰাহা? বলীউডৰ এক সূত্ৰই প্ৰকাশ কৰা মতে মুম্বাইৰ পালি হিলছ এলেকাত বাস্তু এপাৰ্টমেণ্টৰ ৯ তলাত আছে ৰাহাৰ নামৰ বিলাসী ফ্লেট। এই আৱাসতেই আছে আলিয়াৰো এটা ফ্লেট। যাৰ আনুমানিক বজাৰ মূল্য ৩২ কোটি টকা। অন্যহাতে বিগত তিনি বছৰ ধৰি বান্দ্ৰাতো নিজা এটা বাংলো নিৰ্মাণৰ কাম অব্যাহত ৰাখিছে তাৰকা দম্পত্তিয়ে।
ককাক ৰাজ কাপূৰৰ ‘কৃষ্ণা ৰাজ’ বাংলোকেই নতুন ধৰণেৰে তৈয়াৰ কৰি আছে আলিয়া-ৰণবীৰে। কাম প্ৰায় শেষ, অতি শীঘ্ৰেই নিজৰ সপোনৰ বাংলোত প্ৰৱেশ কৰিব আলিয়া-ৰণবীৰে। এই বাংলোৰ আনুমানিক মূল্য প্ৰায় ২৫০ কোটি টকা। বলীউডৰ ঘনিষ্ঠ সূত্ৰৰ খবৰ অনুসৰি নিজৰ উপাৰ্জনৰ বহু অৰ্থই এই বাংলো নিৰ্মাণত বিনিয়োগ কৰিছে তাৰকা দম্পত্তিয়ে। সেই বিশেষ বাংলোটো ৰাহাৰ নামত দিছে ৰণবীৰে। শ্বাহৰুখ খানৰ ‘মন্নত’ আৰু অমিতাভ বচ্চনৰ ‘জলসা’ৰ সমপৰিমাণৰ বজাৰমূল্য সেই বিশেষ বাংলোৰ। সেই দিশৰ পৰা ৰাহা কাপূৰেই এই মুহূৰ্তত বলীউডৰ সকলোতকৈ ধনী তাৰকা সন্তান। জন্মৰ পাছতেই ইমান কোটি কোটি টকা সম্পত্তিপ অধিকাৰী ৰাহা। এইসমূহৰ ওপৰিও মুম্বাইত আলিয়াৰ আছে মুঠ ৪টা ফ্লেট। ইয়াৰোপৰি লণ্ডনতো আছে আলিয়াৰ নিজা ঘৰ।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
