মহাশিৱৰাত্ৰিত শিৱ লিংগত ভুলতো নিদিব এই কেইবিধ সামগ্ৰী, হিতে বিপৰীতে হ’ব
প্ৰতি বছৰে ফাগুন মাহৰ কৃষ্ণ পক্ষৰ চতুৰ্দশ দিনা মহাশিৱৰাত্ৰি পালন কৰা হয়। এইবাৰ মহাশিৱৰাত্ৰি ২৬ ফেব্ৰুৱাৰীত পৰিছে। এই দিনটোতেই মহাদেৱ আৰু পাৰ্বতীৰ বিবাহ হৈছিল বুলি বিশ্বাস কৰা হয়। সেয়ে ভগৱান শিৱৰ পূজা কৰিবলৈ বছৰৰ আটাইতকৈ উপযুক্ত দিন মহাশিৱৰাত্ৰি বুলি গণ্য কৰা হয়।
মহাশিৱৰাত্ৰিৰ দিনা ভক্তসকলে বিভিন্ন উপাদানৰে ভগৱান শিৱক সন্তুষ্ট কৰিবলৈ চেষ্টা কৰে। অৱশ্যে এনে কিছু সমাগ্ৰী আছে যি শিৱক অৰ্পণ কৰা উচিত নহয়।
তুলসী
হিন্দু ধৰ্মত তুলসীৰ পাত অতি পবিত্ৰ। প্ৰায় সকলো পূজাতেই তুলসী পাত ব্যৱহাৰ কৰা হয়। কিন্তু মহাশিৱৰাত্ৰিৰ দিনা শিৱলিংগত তুলসী পাত অৰ্পন নকৰিব। পৌৰাণিক কাহিনী অনুসৰি তুলসীৰ স্বামী জলন্ধৰক ভগৱান মহাদেৱে হত্যা কৰিছিল। তুলসী গছক লক্ষ্মী দেৱীৰ এক ৰূপ বুলিও গণ্য কৰা হয়। গতিকে শিৱ পূজাৰ সময়ত তুলসী পাত নিবেদন কৰিব নালাগে।
নাৰিকল
ধৰ্মীয় বিশ্বাস অনুসৰি মহাশিৱৰাত্ৰিৰ দিনা শিৱলিংগক নাৰিকল বা নাৰিকল পানী আগবঢ়াব নালাগে। নাৰিকলক শ্ৰীফল বুলি কোৱা হয়, আৰু নাৰিকলত দেৱী লক্ষ্মী বাস কৰে বুলি বিশ্বাস কৰা হয়। গতিকে ভগৱান মহাদেৱক নাৰিকল অৰ্পণ কৰিব নালাগে।
ভঙা চাউল
শিৱ পূজাত চাউলৰ বিশেষ গুৰুত্ব আছে যদিও সেয়া গোটা চাউল হব লাগে। ভঙা চাউলৰ সৈতে মহাশিৱৰাত্ৰী পূজা নকৰিব। ভঙা চাউল কোনো পূজাত ব্যৱহাৰ কৰিব নালাগে।
সেন্দুৰ
ধৰ্মীয় বিশ্বাস অনুসৰি কুমকুম শিৱলিংগক অৰ্পণ কৰা নহয়। কুমকুম হৈছে নাৰীসুলভ অলংকাৰ। গতিকে পুৰুষত্বৰ প্ৰতীক ভগৱান মহাদেৱক কুমকুম আগনবঢ়াব।
হালধী
যিকোনো শুভ কামত হালধী ব্যৱহাৰ শুভ বুলি গণ্য কৰা হয়। কাৰণ হালধীয়া ৰং শুদ্ধতাৰ প্ৰতীক। কিন্তু মহাশিৱৰাত্ৰিৰ দিনা শিৱলিংগত হালধী নিদিব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
