ভাৰতৰ বেছিভাগ মানুহ এতিয়াও কৃষিকাৰ্যৰ সৈতে জড়িত৷ আৰু এই কৃষকসকলৰ বাবে ভাৰত চৰকাৰে কেইবাটাও প্ৰকল্প আৰম্ভ কৰিছে৷ ২০১৯ চনৰ পৰা কৃষকৰ বাবে চৰকাৰে আৰম্ভ কৰিছিল প্ৰধানমন্ত্ৰী কিষাণ সন্মান নিধি যোজনা৷ এই যোজনাৰ অধীনত কৃষকসকলক বছৰত ৬ হাজাৰ টকাকৈ ভাট্টা দিয়া হয়৷ মুঠ তিনিটা কিস্তিত এই টকা আহে৷
ইমান দিন পৰ্যন্ত মুঠ ১৯ টা কিস্তিত টকা পাইছে দেশৰ কৃষকে৷ এইবাৰ ২০ তম কিস্তিৰ টকাৰ অপেক্ষাত আছে দেশৰ কৃষক৷ দেশৰ কোটি কোটি কৃষক ইয়াৰ পৰা উপকৃত হয়৷ জুন মাহত সম্ভৱত এই ২০ তম কিস্তিৰ ধন পাব কৃষকে৷ ইয়াৰ পূৰ্বেই অৱশ্যে কৃষকসকলে এক বিশেষ কাম কৰিব লাগিব৷ কৃষি মন্ত্রণালয়ে নিৰ্দেশ দিছে যে সমস্ত কৃষকসকলৰ ফাৰ্মাৰ আই ডি কাৰ্ড কৰাব লাগিব৷
৩০ এপ্ৰিলৰ ভিতৰতেই এই ফাৰ্মাৰ আই ডি কাৰ্ড বনাই ল’ব লাগিব অন্যথা ২০ তম কিস্তিৰ টকা নাপাব পাৰে৷ নিকটবৰ্তী কৃষি দপ্তৰ বা ৰাজস্ব দপ্তৰ কিংবা পাব্লিক চাৰ্ভিছ চেণ্টাৰলৈ গৈ কৃষকসকলে এই ফাৰ্মাৰ আই ডি কাৰ্ড কৰাব লাগিব৷ আধাৰ কাৰ্ডৰ দৰে দেখাত এই ফাৰ্মাৰ আই ডি কাৰ্ড৷ যি কাৰ্ড নাথাকিলে কৃষকসকলে কিষাণ যোজনাৰ ধন পোৱাত সমস্যা হ’ব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
