আমেৰিকাৰ ৰাষ্ট্ৰপতি ড’নাল্ড ট্ৰাম্পৰ ভাৰতক লৈ সুৰ সলনি। প্ৰধানমন্ত্ৰী নৰেন্দ্ৰ মোদীৰ গুণ বখানিছে ট্ৰাম্পে। আমেৰিকাৰ প্ৰধানমন্ত্ৰীজনৰ প্ৰশংসাৰ পিছতে সামাজিক মাধ্যমত বহু কথা চৰ্চা হ’বলৈ আৰম্ভ কৰিছে। একাংশৰ প্ৰশ্ন ভাৰত আৰু আমেৰিকাই বাণিজ্যিক চুক্তিৰ দিশত আৰু এখোজ আগবাঢ়িলে নেকি?
আমেৰিকাৰ ৰাষ্ট্ৰপতি ড’নাল্ড ট্ৰাম্পে পুনৰবাৰ প্ৰধানমন্ত্ৰী নৰেন্দ্ৰ মোদীক এজন ভাল বন্ধু বুলি প্ৰশংসা কৰে। তেওঁ এই বাণিজ্যিক চুক্তিক লৈ তেওঁ আস্থা প্ৰকাশ কৰে। তেওঁ কয় যে, ট্ৰাম্পৰ বিশ্বাস নতুন দিল্লী আৰু ৱাশ্বিংটনে অতি সোনকালে বাণিজ্যিক চুক্তিত সন্মতি দিব।
ট্ৰাম্পৰ এই মন্তব্য তাৎপৰ্যপূৰ্ণ, কিয়নো তেওঁৰ প্ৰশাসনে এদিন পূৰ্বে ঘোষণা কৰিছিল যে ভাৰতকে ধৰি ৫৪খন দেশৰ পৰা আমদানি কৰা সামগ্ৰীৰ ওপৰত অতিৰিক্ত ১২.৫ শতাংশ শুল্ক আৰোপ কৰাৰ পৰিকল্পনা কৰিছে। বলপূৰ্বক শ্ৰম বন্ধ কৰাত ব্যৰ্থ হোৱা ভাৰত, চীন, অষ্ট্ৰেলিয়া, জাপান, কাটাৰ, ৰাছিয়া, ইজৰাইল আদি দেশৰ বাবে শাস্তি হিচাপে অতিৰিক্ত শুল্ক আৰোপ কৰাৰ পৰিকল্পনা কৰিছিল।
হোৱাইট হাউছত সাংবাদিকৰ প্ৰশ্নৰ উত্তৰত আমেৰিকাৰ ৰাষ্ট্ৰপতিয়ে কয়, “আমাৰ (ভাৰত আৰু আমেৰিকা) চুক্তি হ’ব কাৰণ মই প্ৰধানমন্ত্ৰী মোদীক বহুত ভাল পাওঁ। তেওঁ মোৰ ভাল বন্ধু, আমাৰ মাজত ভাল সম্পৰ্ক আছে।”
কিন্তু বাণিজ্য চুক্তিৰ আলোচনাত ট্ৰাম্পে পুনৰ ভাৰতক আক্ৰমণ কৰে। তেওঁ কয় যে, ভাৰতে বহু বছৰ ধৰি আমেৰিকাৰ নীতিৰ সুবিধা লৈ আমেৰিকাৰ সামগ্ৰীৰ ওপৰত যথেষ্ঠ শুল্ক আৰোপ কৰিছে। ইয়াৰ বিপৰীতে আমেৰিকাক কোনো শুল্ক আদায় দিয়া নাই। এতিয়া ইয়াৰ বিপৰীতে হৈছে, আমেৰিকাই ভাৰতৰ পৰা যথেষ্ঠ লাভ অৰ্জন কৰিছে। এই প্ৰসংগত তেওঁ হাৰ্লি ডেভিডছন বাইকৰ কথাও উল্লেখ কৰে। তেওঁ কয় যে, ভাৰতে ২০০ শতাংশ শুল্ক আৰোপ কৰাৰ বাবে এই বাইকসমূহ ভাৰতীয় বজাৰত বিক্ৰী কৰিব নোৱাৰিলে। এই বাইক কোম্পানীয়ে ভাৰতত এটা কাৰখানা নিৰ্মাণ কৰিছে, যিটো দুৰ্ভাগ্যজনক বুলি ট্ৰাম্পে উল্লেখ কৰে।
চলিত সপ্তাহৰ আৰম্ভণিতে অন্তৱৰ্তীকালীন বাণিজ্য চুক্তিৰ বিষয়ে আলোচনা কৰিবলৈ আমেৰিকাৰ প্ৰতিনিধি উপস্থিত হৈছিল, বাণিজ্য মন্ত্ৰালয়েও এই আলোচনা ইতিবাচক বুলি কয়। দ্বিপাক্ষিক বাণিজ্য আৰু অৰ্থনৈতিক চুক্তিৰ দ্বাৰা দুয়োপক্ষই কেনেদৰে লাভৱান হ’ব সেই বিষয়ে চৰ্চাও চলিছিল।
উল্লেখ্য যে, ইয়াৰ পূৰ্বে ৭ ফেব্ৰুৱাৰীত আমেৰিকাৰ ৰাষ্ট্ৰপতি ড’নাল্ড ট্ৰাম্পে প্ৰধানমন্ত্ৰী মোদীৰ সৈতে ফোনযোগে কথা পাতিছিল। সেই সময়ত দ্বিপাক্ষিক বাণিজ্য চুক্তিৰ প্ৰাৰম্ভিক কাঠামোৰ বিষয়ে আলোচনা কৰে। আমেৰিকাই ভাৰতৰ ওপৰত শুল্ক ৫০ শতাংশৰ পৰা ১৮ শতাংশলৈ হ্ৰাস কৰিব বুলিও কয়। ইফালে ৰাছিয়াৰ তেল ক্ৰয়ৰ ওপৰত আৰোপ কৰা অতিৰিক্ত ২৫ শতাংশ শুল্কও আঁতৰোৱা হ’ব পাৰে। কিন্তু আমেৰিকাৰ উচ্চতম ন্যায়ালয়ে ২০ ফেব্ৰুৱাৰীত ট্ৰাম্পৰ পাৰস্পৰিক শুল্কক অনৈতিক বুলি ঘোষণা কৰে। তাৰ পিছত আমেৰিকাৰ ৰাষ্ট্ৰপতিয়ে ১৫০ দিনৰ বাবে সকলো দেশৰ ওপৰত ১০ শতাংশ শুল্ক ঘোষণা কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
