১৮ জুলাইৰ পৰা আৰম্ভ হৈছে শাওন মাহ৷ এই মাহত শিৱৰ পূজাৰ্চনাৰ বিশেষ মাহাত্ম্য আছে৷ শাস্ত্ৰ অনুসৰি শাওন মাহত শিৱৰ পূজা আৰু দান কৰিলে সমস্ত কষ্ট দূৰ হয়৷ নিজৰ ভক্তসকলৰ সমস্ত মনোকামনা পূৰ্ণ কৰে মহাদেৱে৷ এই বছৰ শাওনত ৪টা সোমবাৰ পৰিছে৷ এই মাহত বিশেষ কিছু দান কৰিলে শিৱৰ কৃপা অৰ্জন কৰা যায়৷ শিৱ পুৰাণতো এই সম্পৰ্কে উল্লেখ আছে৷ শাওন মাহত কি কি দান কৰিব? জানি থওক সবিশেষ৷
কলা তিল
শাওন মাহত শিৱৰ জলাভিষেকত কলা তিল দিবলৈ নাপাহৰিব৷ ইয়াৰ ফলত শিৱ আৰু শনিৰ অশীৰ্বাদ পোৱা যাব৷ যি ব্যক্তিৰ কোষ্ঠীত শনি গ্ৰহ দুৰ্বল আছে তেওঁলোকে শাওন মাহত সোমবাৰ আৰু শনিবাৰে কলা তিল দান কৰক৷ ইয়াৰ ফলত গ্ৰহদোষ সমাপ্ত হ’ব৷
নিমখ
বাস্তু শাস্ত্ৰ অনুসৰি নিমখে নেতিবাচক শক্তিক দূৰ কৰে৷ শিৱ পুৰাণ অনুসৰি কোনো ব্যক্তিয়ে কষ্ট আৰু সমস্যাত পৰি থাকিলে শাওন মাহত নিমখ দান কৰক৷ ইয়াৰ ফলত সেই দুঃসময় দূৰ হ’ব৷ জীৱনত সুখ সমৃদ্ধি বৃদ্ধি পাব৷
ৰুদ্ৰাক্ষ
ৰুদ্ৰাক্ষ শিৱৰ অত্যন্ত প্ৰিয়৷ শিৱৰ অশ্ৰুৰ পৰা ৰুদ্ৰাক্ষৰ উৎপত্তি৷ শিৱই নিজৰ ডিঙিত ৰুদ্ৰাক্ষৰ মালা পৰিধান কৰে৷ শাস্ত্ৰমতে ৰুদ্ৰাক্ষক শিৱৰ অংশ বুলি কোৱা হয়৷ যি ব্যক্তিয়ে শাওন মাহত ৰুদ্ৰাক্ষ দান কৰে তেওঁৰ আয়ু বৃদ্ধি পায় আৰু অকালমৃত্যুৰ ভয় দূৰ হয়৷
ৰূপ
যি ব্যক্তিৰ কোষ্ঠীত কালসৰ্প দোষ আছে তেওঁলোকে শাওন মাহত ৰূপৰ সামগ্ৰী দান কৰক৷ ৰূপৰ সামগ্ৰী দান কৰিলে এই দোষৰ পৰা মুক্তি পাব৷ ইয়াৰোপৰি সন্তান লাভৰ বাবেও শাওন মাহত ৰূপ দান কৰা উচিত৷
চাউল
শাওন মাহত অক্ষত বা অখণ্ড চাউল দান কৰা অত্যন্ত সুফলদায়ী বুলি গণ্য কৰা হয়৷ শিৱ পুৰাণ অনুসৰি শিৱ পুজাৰ সময়ত এমুঠি অক্ষত শিৱলিংগত নিবেদন কৰক আৰু অসহায় সকলক চাউল দান কৰিলে উন্নতিৰ পথ প্ৰশস্ত হয়৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
