অসম লাইভ২৪ঃ টোপনিত আমি প্ৰায়েই সপোন দেখো। স্বপ্নশাস্ত্ৰত কোৱা হৈছে যে আমি যি সপোন দেখো সেইটোৰ সৈতে কোনো গাঢ় অৰ্থ নিহিত থাকে। কেনে সপোন দেখিলে কি কাৰণ হ’ব পাৰে তাৰো বাখ্যা স্বপ্নশাস্ত্ৰত আছে। আমাৰ মাজৰ বহুতেই সপোনত বিভিন্ন সামগ্ৰী দেখো। বহুতৰেই সপোনত এনে কিছু কথা আহে যি সঁচায়ে চমকপ্ৰদ। আনকি সপোনত বহুতে পূৰ্বজন্মৰ কথাও দেখে। জানি থওক, পূৰ্বজন্মৰ কথাই মনত পৰা বুলি আপুনি কেনেকৈ বুজিব?
সপোনত যদি আপুনি হুবহু নিজকে দেখে কিন্তু অচিন স্থানত দেখে তেন্তে বুজিব আপোনাৰ পূৰ্বজন্মৰ কথা মনত পৰিছে। আপোনাৰ শৰীৰত যদি দাগ থাকে, বা কোনো দুৰ্ঘটনাৰ কাৰণে শৰীৰত ক্ষতচিহ্ন ৰৈ যায় আৰু সপোনত আপুনি ক্ষতচিহ্ন দেখা পায় তেন্তে পূৰ্বজন্মৰ কথা আপোনাৰ সপোনলৈ আহিছে। এই ধৰণৰ দাগ আপোনাৰ পূৰ্বজন্মতো আছিল।
সপোনত যদি নিজকে অন্যৰূপত দেখা পায় বা অন্যধৰণৰ আচৰণ দেখে তেন্তে এয়াও আপুনি পূৰ্বজন্মত যি আছিল তাৰেই প্ৰতিফলন।
আপুনি যদি সপোনত নিজকে কিবা কাম কৰি থকা দেখে তেন্তে বুজিব পূৰ্বজন্মত আপুনি সেই কামেই কৰিছিল।
সপোনত যদি আপুনি কোনো স্থানলৈ বাৰে বাৰে যোৱা দেখে, সেই স্থান আপুনি চিনিও নাপায় তেন্তে বুজিব আপুনি পূৰ্বজন্মত সেই স্থানতেই বাস কৰিছিল বা সেই স্থানৰ সৈতে আপোনাৰ নিবিড় সম্পৰ্ক আছিল।
আপুনি যদি নিজৰ পৰিচিত লোকক সপোনত দেখে তেন্তে সেয়া সাধাৰণ সপোন। যদি আপুনি এনে লোকক সপোনত দেখে যাক আপুনি চিনি নাপায় তেন্তে সেয়া আপোনাৰ পূৰ্বজন্মৰ স্মৃতি। এই মানুহবোৰক আপুনি পূৰ্বজন্মত লগ পাইছিল।
পূৰ্বে আপুনি কেতিয়াও সেই স্থানলৈ যোৱা নাই কিন্তু আপুনি সপোনত সেই স্থানত বিচৰণ কৰি থাকে তেন্তে সেয়াও পূৰ্বজন্মৰ সপোন।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
