২০১৩-১৮ বৰ্ষত কাৰ দখলত আছিল ৫ ৰাজ্য? ৫ ৰাজ্যৰ বিধানসভা নিৰ্বাচনে কাৰ বাবে আনিব ভাল খবৰ?

অসম লাইভ২৪ঃ কাৰ দখললৈ ৫ ৰাজ্য? কেনে আছিল বিগত নিৰ্বাচনৰ ফলাফল? ৫ ৰাজ্যত হৰা মানেই কেন্দ্ৰত কঁপিব নেকি বিজেপিৰ দুৰ্গ? ৰাজস্থান, মধ্যপ্ৰদেশৰ নিৰ্বাচনে কিমান প্ৰভাৱ পেলাব ‘২৪ৰ লোকসভা নিৰ্বাচনত? বিগত ৫ ৰাজ্যৰ নিৰ্বাচনত কোনে কিমান আসন লাভেৰে গঠন কৰিছিল চৰকাৰ?

৩ ডিচেম্বৰ। ৩ ডিচেম্বৰত প্ৰকাশ পাব ৫ ৰাজ্যৰ বিধানসভা নিৰ্বাচনৰ ফলাফল। কিন্তু এই ৫ ৰাজ্যৰ বিধানসভা নিৰ্বাচনৰ ফলাফলে যথেষ্ট প্ৰভাৱ পেলাব আগন্তুক ২৪ ৰ লোকসভা নিৰ্বাচনত। ৰাজস্থান, মধ্যপ্ৰদেশ, চত্তীশগড়, তেলেংগানা আৰু মিজোৰামৰ বিধানসভা নিৰ্বাচনৰ ফলাফল প্ৰকাশ পাব ৩ ডিচেম্বৰত। কিন্তু ইয়াৰ পূৰ্বে ২০১৩ আৰু ২০১৮ চনত অনুষ্ঠিত হোৱা বিধানসভা নিৰ্বাচনৰ ফলাফল কেনে আছিল? ৰাজস্থানত আছিল বিজেপিৰ চৰকাৰ। ৰাজস্থানত মুঠ আসনৰ সংখ্যা ২০০। ৰাজস্থানত চৰকাৰ গঠন কৰিবলৈ প্ৰয়োজন হ’ব ১০১খন সংখ্যাগৰিষ্ঠ আসন। কিন্তু ২০১৩ বৰ্ষৰ ৰাজস্থান বিধানসভা নিৰ্বাচনত ২০০ খন আসনৰ ১৬৩ খন আসন লাভ কৰিছিল বিজেপিয়ে। কংগ্ৰেছে মাত্ৰ লাভ কৰিছিল ২১ খন আসন বি এছ পিয়ে লাভ কৰিছিল ৩ খন আৰু অনান্য দলে লাভ কৰিছিল ১৩ খন অসম।

য’ত ১৬৩খন আসনেৰে ২০১৩ বৰ্ষত বিজেপিয়ে চৰকাৰ গঠন কৰিছিল ৰাজস্থানত। কিন্তু ২০১৮ বৰ্ষৰ নিৰ্বাচনত তাৰ সম্পূৰ্ণ বিপৰীত দৃশ্য দেখিবলৈ পোৱা গৈছিল। অৰ্থাৎ ৰাজস্থানত ২০১৮ চনত বিজেপিক উফৰাই কংগ্ৰেছে চৰকাৰ গঠন কৰিছিল। য’ত ২০০ খন আসনৰ ১০০টা বিধানসভা সমষ্টিতেই কংগ্ৰেছে জয়ী হৈ চৰকাৰ গঠন কৰে। বিজেপিয়ে লাভ কৰে ৭৩ খন আসন আৰু বি এছ পিয়ে লাভ কৰে ৬ খন লগতে অনান্য দলে লাভ কৰে ২১ খন আসন।

২০১৮ বৰ্ষত পুনৰ কংগ্ৰেছৰ হাতলৈ আহে ৰাজস্থান। প্ৰায় ২০ বছৰে বিজেপিৰ দখলত থকা মধ্যপ্ৰদেশত মাত্ৰ ডেৰ বছৰৰ বাবে আহিছিল কংগ্ৰেছৰ চৰকাৰ। মধ্যপ্ৰদেশত ডেৰ বছৰতে থানবান হৈ পৰিছিল কমল নাথৰ চৰকাৰ। মধ্যপ্ৰদেশত ধাৰাবাহিকভাৱে বিজেপিয়ে চৰকাৰ গঠন কৰি আহিছিল। ২০১৩ বৰ্ষটো বিজেপিয়ে চৰকাৰ গঠন কৰিছিল মধ্যপ্ৰদেশত। মধ্যপ্ৰদেশৰ মুঠ ২৩০ খন আসনৰ ১১৬ খন আসনত জয়ী হলেই এটা দলে চৰকাৰ গঠন কৰিব পাৰিব। ২০১৩ বৰ্ষত বিজেপিয়ে লাভ কৰিছিল ১৬৫ খন আসন, কংগ্ৰেছে লাভ কৰিছিল ৫৮ খন আসন বিএচপিয়ে লাভ কৰিছিল ৪ খন আৰু অনান্য দলে লাভ কৰিছিল ৩ খন আসন। কিন্তু কেইবাবছৰৰ বিজেপিৰ ইতিহাস ভংগ কৰি ২০১৮ বৰ্ষত কংগ্ৰেছৰ বিপুল সংখ্যাগৰিষ্ঠ তাৰে চৰকাৰ গঠন কৰে। য’ত কংগ্ৰেছে ১১৪ খন আসন লাভ কৰাৰ বিপৰীতে বিজেপিয়ে লাভ কৰে ১০৯ খন আসন আৰু বিএছপিয়ে লাভ কৰে ২ খন লগতে অনান্য দলে লাভ কৰে ৫ খন আসন। বিজেপিক পৰাস্ত কৰি ২০১৮ বৰ্ষত মধ্যপ্ৰদেশত চৰকাৰ গঠন কৰে যদিও মাত্ৰ ডেৰ বছৰতে থানবান হৈ পৰে কমলনাথৰ চৰকাৰ। প্ৰাক্তন কংগ্ৰেছ নেতা তথা বৰ্তমানৰ কেন্দ্ৰীয় মন্ত্ৰী জ্যোতিৰাদিত্য সিন্ধিয়াৰ নেতৃত্বত একাংশ কংগ্ৰেছীয়ে কংগ্ৰেছ ত্যাগ কৰাৰ পিছতেই খহি পৰে কংগ্ৰেছৰ চৰকাৰ আৰু পুনৰবাৰ শাসনলৈ আহে শিৱৰাজ সিং চৌহান।

একালত বিজেপিৰ দখলত থকা চত্তীশগড়তো আহিল কংগ্ৰেছৰ চৰকাৰ। ২০১৩ চনত চত্তীশগড়ৰ মুঠ ৯০ খন আসনৰ বাবে অনুষ্ঠিত হোৱা বিধানসভা নিৰ্বাচনত বিজেপিয়ে লাভ কৰিছিল ৪৯ খন আসন আৰু কংগ্ৰেছে লাভ কৰিছিল ৩৯ খন আসন। সমান্তৰালকৈ বিএচপি আৰু অনান্য দলে লাভ কৰিছিল মাত্ৰ একোখনকৈ আসন। কিন্তু ২০১৮ চনত সলনি হৈছিল নিৰ্বাচনী পট। বিজেপিৰ দুৰ্গ কঁপাই কংগ্ৰেছে ২০১৮ চনত চত্তীশগড়ত লাভ কৰিছিল ৬৮ খন আসন আৰু বিজেপিয়ে লাভ কৰিছিল মাত্ৰ ১৫ খন আসন। বিএচপিয়ে ২ খন আসন লাভ কৰাৰ পৰিবৰ্তে অনান্য দলে লাভ কৰে ৫ খন আসন। য’ত ২০১৮ বৰ্ষত চত্তীশগড়ত ভূপেশ বাঘেল মুখ্যমন্ত্ৰী হিচাপে নিৰ্বাচিত হয়।

বিজেপি শূণ্য দক্ষিণ ভাৰত। ২০১৪ বৰ্ষৰ তেলেংগানাৰ মুঠ ১১৯ টা বিধানসভা সমষ্টিৰ নিৰ্বাচনত বি আৰ এছ যাক পূৰ্বে তেলেংগানা ৰাষ্ট্ৰ সমিতি নামেৰে জনা গৈছিল। ধাৰাবাহিকভাৱে বি আৰ এছে চৰকাৰ গঠন কৰি আহিছে। ২০১৪ বৰ্ষত TRSএ লাভ কৰে ৬৩ খন আসন, কংগ্ৰেছে ২১ খন, TDP এ লাভ কৰে ১৫ খন আৰু অনান্য দলে লাভ কৰে ২০ খন আসন। সমান্তৰালকৈ ২০১৮ বৰ্ষৰ বিধানসভা নিৰ্বাচনতো TRS এ লাভ কৰিছিল ৮৮ খন আসন, কংগ্ৰেছে ১৯ খন আসন, AIMIMএ লাভ কৰিছিল ৭ খন আৰু অনান্য দলে লাভ কৰিছিল ৫ খন আসন। দখলত থকা মিজোৰামো হেৰুৱাইছিল কংগ্ৰেছে।

চন ২০১৩ত মিজোৰাম বিধানসভাৰ মুঠ ৪০ খন আসনত ৩৪ খন আসনেই লাভ কৰি চৰকাৰ গঠন কৰিছিল কংগ্ৰেছে। MNFএ লাভ কৰিছিল ৫ খন আৰু MPCএ লাভ কৰিছিল ১ খন আসন। সমান্তৰালকৈ ২০১৮ বৰ্ষত কংগ্ৰেছৰ চৰকাৰ উফৰাই MNFএ লাভ কৰিছিল ২৬ খন আসন আৰু অনন্য দলে লাভ কৰিছিল ৮ খন আসন আৰু কংগ্ৰেছে মাত্ৰ লাভ কৰে ৫ খন আসন।

বৰ্তমান ২০২৩ বৰ্ষৰ বিধানসভা নিৰ্বাচনক কেন্দ্ৰ কৰি দেশৰ ৰাজনীতিত তুমূল চৰ্চা হৈছে। যিহেতু ২০২৪ৰ লোকসভা নিৰ্বাচন সমাগত। লোকসভা নিৰ্বাচনৰ পূৰ্বে এই ৫ ৰাজ্যৰ বিধানসভা নিৰ্বাচনৰ ফলাফল কি হ’ব সেই বিষয়কলৈ আলোচনা হৈছে কিয়নো এই ৫ ৰাজ্যৰ বিধানসভা নিৰ্বাচনে যথেষ্ট প্ৰভাৱ পেলাব লোকসভা নিৰ্বাচনত। যদি বিজেপিয়ে ৫ ৰাজ্যত পৰাজয় বৰণ কৰে তেন্তে ২৪ৰ দেওনা পাৰ কৰাটো বিজেপিৰ বাবে অধিক প্ৰত্যাহ্বানমূলক হৈ পৰিব।

এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ