মাথো ৪০ মিনিটতে পাব ফলাফল, ভাৰতে প্ৰস্তুত কৰিলে মাংকি পক্সৰ প্ৰথমটো টেষ্ট কিট
বিশ্বজুৰি মাংকি পস্ক (Mpox)ৰ ৰোগী দিনে দিনে বৃদ্ধি পাই আছে। বিশ্ব স্বাস্থ্য সন্থাইয়ো এই সন্দৰ্ভত সতৰ্ক হোৱাৰ কথা জনাইছে আৰু ২০২৪ চনৰ ১৪ আগষ্টত বিশ্ব স্বাস্থ্য সংস্থাইও এই ভাইৰাছ সন্দৰ্ভত ৰাজহুৱা জৰুৰীকালীন অৱস্থা ঘোষণা কৰিছিল।
ইয়াৰ পূৰ্বেও বিশ্ব স্বাস্থ্য সংস্থাই এই ভাইৰাছ সন্দৰ্ভত কেইবাখনো জৰুৰী বৈঠক অনুষ্ঠিত কৰিছিল। দুবছৰৰ ভিতৰত দ্বিতীয়বাৰৰ বাবে এই ৰোগক জৰুৰীকালীন আখ্যা দিয়া হৈছিল। ভাইৰাছৰ নতুন ষ্ট্ৰেইন (Clad-1) অধিক সংক্ৰামক হোৱাৰ বাবে ই এক চিন্তাৰ বিষয়। এই ষ্ট্ৰেইনত মৃত্যুৰ হাৰ অধিক।
মাংকি পক্সৰ সংক্ৰমণ বৃদ্ধি পোৱাৰ মাজতে ভাৰতে এই ভাইৰাছৰ সংক্ৰমণ ধৰা পেলাবলৈ প্ৰথমটো দেশীয় আৰটি-পিচিআৰ (Mpox RT-PCR Kit) কিট নিৰ্মাণ কৰিছে। ভাল কথাটো হ’ল এই কিটৰ সহায়ত মাত্ৰ ৪০ মিনিটৰ ভিতৰতে এই ভাইৰাছ পৰীক্ষাৰ সঠিক ফলাফল উপলব্ধ হ’ব। আনহাতে পূৰ্বৰ মাংকি পক্সৰ পৰীক্ষাত এঘণ্টাৰ পৰা দুঘণ্টা সময়ৰ লাগিছিল।
পাছে এতিয়া এই নতুন কিটটো কেতিয়াৰ পৰা বজাৰত উপলব্ধ হব তথা কেতিয়াৰ পৰা ইয়াৰ ব্যৱহাৰ কৰিব পৰা যাব। এই সন্দৰ্ভত এতিয়ালৈকে কোনো সঠিক তথ্য পোৱা হোৱা নাই। কিন্তু অতি সোনকালে জনসাধাৰণৰ বাবে উপলব্ধ কৰা হ’ব। এই কিটৰ নাম IMDX Monkeypox Detection RT-PCR Assay আৰু ইয়াক Siemens Healthineers য়ে প্ৰস্তুত কৰিছে।
বদোদৰাৰ মলিকুলাৰ ডায়েগনষ্টিকছ ইউনিটত নিৰ্মাণ কৰা হ’ব আইএমডিএক্স এমপিঅ’এক্স ডিটেকচন আৰটি-পিচিআৰ কিট। কোম্পানীৰ ফালৰ পৰা জানিব পৰা অনুসৰি প্ৰতি বছৰে এনে প্ৰায় ১০ লাখ কিট তৈয়াৰ কৰিব পাৰি। লগতে অতি সোনকালে মানুহে এই কিটটো লাভ কৰিবলৈ সক্ষম হ’ব।
ছিমেন্স হেল্থকেয়াৰ প্ৰাইভেট লিমিটেডে কয় যে মেক ইন ইণ্ডিয়া পদক্ষেপৰ বাবে এইটো এটা ডাঙৰ সফলতা। অতি সোনকালে মানুহে এই কিটটো লাভ কৰিবলৈ সক্ষম হ’ব। কেন্দ্ৰীয় ড্ৰাগছ ষ্টেণ্ডাৰ্ড কণ্ট্ৰল অৰ্গেনাইজেচন, চিডিএছচিঅ’ই ইয়াক অনুমোদন জনাইছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
