ইলন মাস্কৰ ডাঙৰ সিদ্ধান্ত, লগ এৰিলে ট্ৰাম্পৰ
বিশ্বৰ সবাতোকৈ ধনী ব্যৱসায়ী ইলন মাস্কৰ ডাঙৰ সিদ্ধান্ত, ড’নাল্ড ট্ৰাম্প প্ৰশাসনৰ পৰা নিজকে পৃথক কৰাৰ কথা ঘোষণা কৰিছে মাস্কে। এই সন্দৰ্ভত মাস্কে ছ’চিয়েল মিডিয়াতো পোষ্ট শ্বেয়াৰ কৰিছে।
ছ’চিয়েল মিডিয়াত শ্বেয়াৰ কৰা পোষ্টত মাস্কে লিখিছে যে, যিহেতু মোৰ বিশেষ চৰকাৰী কৰ্মচাৰী হিচাপে কাৰ্যকাল শেষ হ’বলৈ গৈ আছে, সেয়েহে মই অযথা ধনৰ খৰচ হ্ৰাস কৰাৰ সুবিধা দিয়া বাবে ৰাষ্ট্ৰপতি ট্ৰাম্পক ধন্যবাদ জনাইছো।
উল্লেখ্য যে, মাৰ্কিন ৰাষ্ট্ৰপতি ড’নাল্ড ট্ৰাম্পে চৰকাৰী ব্যয় হ্ৰাস কৰাৰ দায়িত্ব দিছিল ইলন মাস্কক। সেই উদ্দেশ্যে শাসনভাৰ লোৱাৰ পাছতে জানুৱাৰী মাহত ট্ৰাম্পে হোৱাইট হাউছত উপস্থিত হৈ, মাস্কক নতুন চৰকাৰী বিভাগ, চৰকাৰী দক্ষতা বিভাগ (DOGE)ৰ নেতৃত্ব দিছিল। এতিয়া হোৱাইট হাউছৰ এজন বিষয়াই কয় যে বুধবাৰৰ নিশাৰ পৰা মাস্কৰ বিশেষ চৰকাৰী কৰ্মচাৰী হিচাপে ‘অফবৰ্ডিং’ আৰম্ভ হৈছে।
শেহতীয়াকৈ মাস্কে ৰাষ্ট্ৰপতি ট্ৰাম্পৰ ‘বিগ বিউটিফুল’ বিলক সমালোচনা কৰিছিল। মাস্কে কৈছিল যে এই বিধেয়কখনক লৈ তেওঁ হতাশ হৈছে। মাস্কে ইয়াক “বিশাল খৰচৰ বিল” বুলি অভিহিত কৰি কৈছিল যে ইয়াৰ ফলত ফেডাৰেল ঘাটি বৃদ্ধি পাব আৰু ড’জে নামেৰে জনাজাত তেওঁৰ চৰকাৰী দক্ষতা বিভাগৰ কাম-কাজত ক্ষতি হ’ব।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
