চতুৰ্থবাৰ ইউৰো কাপ জয় কৰি ইতিহাস সৃষ্টি স্পেইনৰ, ২-১ গ’লত পৰাস্ত ইংলেণ্ড
ইউৰো কাপৰ অন্তিমখন খেলত ইংলেণ্ডক ২-১ গ’লত পৰাস্ত কৰি অভিলেখ সৃষ্টিকাৰী চতুৰ্থবাৰৰ বাবে ইউৰোপীয় চেম্পিয়নশ্বিপ জয় কৰিবলৈ সক্ষম হয় স্পেইনে। দেওবাৰে জাৰ্মানীৰ বাৰ্লিনত অনুষ্ঠিত হোৱা ৰোমাঞ্চকৰ খেলখনত স্পেইনৰ খেলুৱৈ মাইকেল অয়াৰজাবালে ৮৭ মিনিটত এটা গ’ল দিয়ে। চূড়ান্ত মেচ শেষ হোৱাৰ মাথো ৩ মিনিট আগে অহা গ’লৰ বাবেই স্পেনিছ দলটোৱে পুনৰবাৰ চেম্পিয়ন হিচাপে আত্মপ্ৰকাশ কৰে। ১৯৬৪, ২০০৮ আৰু ২০১২ চনতো স্পেনিছ দলটোৱে ইউৰো কাপৰ খিতাপ দখল কৰিছিল।
দুয়োটা দলৰ প্ৰচেষ্টা সত্ত্বেও প্ৰথমাৰ্ধ গ’লবিহীন হৈ থাকে। মেচখনৰ তিনিওটা গ’ল দ্বিতীয়ার্ধত দিয়ে৷ প্ৰথমাৰ্ধত অতি সতৰ্কতাৰে য’ত স্পেইনে বেছিভাগ প’ছেছন লাভ কৰিছিল আৰু বিপক্ষৰ লক্ষ্যত একমাত্ৰ শ্বট আছিল। দ্বিতীয়াৰ্ধত খেল পুনৰ আৰম্ভ হোৱাৰ পিছত স্পেনিছ দলটোৱে এই অচলাৱস্থা ভংগ কৰিবলৈ মাত্ৰ দুমিনিট সময় লয়।
https://x.com/EURO2024/status/1812591272588156971
১৬ বছৰীয়া কিশোৰ লেমিন য়ামালে (Lamine Yamal) সোঁফালে ঠাই বিচাৰি পাই সতীৰ্থ নিকো উইলিয়ামছক ক্ৰছ প্ৰদান কৰে আৰু সেই সুন্দৰ সুযোগৰ সদব্যৱহাৰ কৰি গ’ল দিয়ে। ইয়াৰ পিছত স্পেইনে কেইবাটাও আক্ৰমণেৰে ইংলেণ্ডৰ ইতিমধ্যে শক্তিশালী ডিফেন্স লাইন ভাঙি পেলায়।
উল্লেখ্য যে, দেওবাৰে ফাইনেল খেলাৰ পূৰ্বে শনিবাৰে য়ামালে ১৭ বছৰীয়া জন্মদিন পালন কৰিছিল। এই জয়ৰ পাচতে য়ামালে কয়- ইয়াতকৈ ভাল জন্মদিনৰ উপহাৰ একো হব নোৱাৰে।
১২ বছৰৰ মূৰকত স্পেইনে ইউৰোপীয় কাপ খিতাপ দখল কৰাৰ কৃতিত্ব অৰ্জন কৰিছে। খেলখনৰ শেষ মুহূৰ্তত স্পেইনে আচৰিত ধৰণৰ প্ৰদৰ্শন আগবঢ়ায়, যাৰ বাবে দলটোৱে ইংলেণ্ড দলৰ ওপৰত অগ্ৰগতি লাভ কৰাত সফল হয়। ইয়াৰ পূৰ্বে ১৯৬৪, ২০০৮ আৰু ২০১২ চনত স্পেইনে এই প্ৰতিযোগিতাত জয়লাভ কৰিছিল। যোৱা দুটা খিতাপ তেওঁলোকে লাভ কৰিছিল ২০১০ চনৰ বিশ্বকাপ জয় কৰাৰ পিছত, যিটো আছিল জাভি হাৰ্নাণ্ডেজ, জাবি এল’নছ’ আৰু আন্দ্ৰেছ ইনিয়েষ্টাৰ সোণালী যুগ।
https://x.com/UEFA/status/1812598648095506533
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
