সন্তান হোৱাৰ পাছত পিতৃয়েও সন্তানৰ প্ৰতিপালনৰ বাবে ছুটি পাব লাগে, ৰাজ্যসভাত সৰৱ আপ সাংসদ ৰাঘৱ চাড্ডা

ৰাঘৱ চাড্ডাই কি কৈছে?

আপ সাংসদে ৰাঘৱ চাড্ডাই তেওঁৰ এক্স হেণ্ডেলত লিখিছে, ‘আমি সংসদত দাবী কৰিছো যে ভাৰতত পিতৃত্বকালীন ছুটি এক আইনী অধিকাৰ হওক৷ এটা শিশুৰ জন্ম হ’লে পিতৃ-মাতৃ দুজনকেই অভিনন্দন জনোৱা হয়৷ কিন্তু যত্ন লোৱাৰ দায়িত্ব থাকে কেৱল এজনৰ ওপৰত৷ কেৱল মাতৃৰ ওপৰত৷ পিতৃয়ে নৱজাতকৰ যত্ন আৰু তেওঁৰ চাকৰিৰ মাজত কোনো এটাক বাচি ল’বলৈ বাধ্য কৰোৱাটো উচিত নহয়, কিন্তু মাতৃগৰাকীয়েও স্বামীৰ সমৰ্থন অবিহনে সন্তানৰ জন্ম দিয়া আৰু প্ৰসৱ পৰবৰ্তী সময় অকলে পাৰ কৰাটো সমীচিন নহয়৷ আমি সংসদত এই বিষয়টো উত্থাপন কৰিছো, কারণ যত্ন লোৱাটো যৌথ দায়িত্ব৷ আমাৰ আইনত ইয়াৰ প্ৰতিফলন থকা উচিত৷ ইয়াৰ পূৰ্বে ৰাঘৱ চাড্ডাই ৰাজ্যসভাত ভাৰতৰ প্ৰধান চহৰসমূহৰ ক্ৰমবৰ্ধমান যানজঁট পৰিস্থিতিক লৈ উদ্বেগ প্ৰকাশ কৰিছে৷

ৰাঘৱ চাড্ডাই কৈছে, ‘যানজঁটৰ কাৰণে যাত্ৰ্ৰীৰ প্ৰতি বছৰে ১০০ ৰ পৰা ১৬৮ ঘণ্টা সময় অপব্যয় হয়৷ সেয়ে চহৰসমূহত যানজঁট দূৰ কৰিবলৈ জাতীয় পৰ্যায়ৰ সমাধানৰ প্ৰয়োজনীয়তাৰ ওপৰত জোৰ দিয়া জৰুৰী৷