FIFA World Cup 2026 Final: স্পেইনে আৰ্জেণ্টিনাক পৰাস্ত কৰি ফিফা বিশ্বকাপৰ বিজয়ৰ মুকুট দখল কৰে।ফিফা বিশ্বকাপৰ ফাইনেলত স্পেইনে আৰ্জেণ্টিনাক ১-০ গ’লত পৰাস্ত কৰে। স্পেইনে দ্বিতীয়বাৰৰ বাবে ফিফা বিশ্বকাপ জয় কৰি আৰ্জেণ্টিনা পৰাজয়ৰ মুখ দেখুৱালে। স্পেইনে আৰ্জেণ্টিনাক প্ৰতিটো ফ্ৰণ্টতে আউটপাৰ্ফৰ্ম কৰিছিল: প’জেছন, পাছ আৰু শ্বট। এই খেলত জয়ৰ পিছত দলটোৰ ওপৰত ধনৰ বৰষুণ হয়। ইয়াৰ লগতে খেলত পাঁচটা বিশেষ অভিলেখো গঢ়িবলৈ সক্ষম হয়।
ফিফা বিশ্বকাপৰ ফাইনেলত আৰ্জেণ্টিনাই লক্ষ্যত এটাও শ্বট মাৰিব নোৱাৰাৰ বিপৰীতে স্পেইনে ১১টা শ্বট দিবলৈ সক্ষম হয়।তদুপৰি স্পেইনে ৬৮ শতাংশ প’ছেছন লাভ কৰাৰ বিপৰীতে আৰ্জেণ্টিনাৰ মাত্ৰ ৩২ শতাংশ প’জেছন আছিল। স্পেইনৰ পাছৰ সঠিকতা ৯০ শতাংশ হোৱাৰ বিপৰীতে আৰ্জেণ্টিনাৰ পাছৰ সঠিকতা মাত্ৰ ৭৮ শতাংশ। স্পেইনৰ খেলুৱৈসকলে কোনো হালধীয়া কাৰ্ড লাভ নকৰাৰ বিপৰীতে আৰ্জেণ্টিনাৰ খেলুৱৈয়ে লাভ কৰে ৫খন হালধীয়া কাৰ্ড আৰু এখন ৰঙা কাৰ্ড।
স্পেইনৰ দলটোৱে আন এক উল্লেখযোগ্য অভিলেখ গঢ়ে। একেৰাহে ৩৮খন মেচ অপৰাজিত হৈ আছে। ফিফা বিশ্বকাপৰ ফাইনেলকে ধৰি যোৱা সাতখন খেলতে জয়লাভ কৰিছে।
ফিফা বিশ্বকাপৰ ফাইনেলত ফেৰ’ন টৰেছক প্লেয়াৰ অৱ দ্য মেচ হিচাপে নিৰ্বাচিত কৰা হয়। বিশ্বকাপৰ ফাইনেলত বিকল্প খেলুৱৈয়ে এই বঁটা লাভ কৰাৰ ১২ বছৰ হ’ল। ইয়াৰ পূৰ্বৰ অভিলেখ ২০১৪ চনত জাৰ্মানীৰ মাৰিঅ’ গটজে অৰ্জন কৰিছিল। স্পেইনৰ লামিন ইয়ামালেও এক অনন্য অভিলেখ গঢ়িবলৈ সক্ষম হৈছে। ফিফা বিশ্বকাপ জয় কৰা স্পেইনৰ আটাইতকৈ কম বয়সীয়া খেলুৱৈ হিচাপে পৰিগণিত হয়। তদুপৰি তেওঁ ইউৰো কাপ আৰু ফিফা বিশ্বকাপ দুয়োটাতে জয়ী হোৱা আটাইতকৈ কম বয়সীয়া খেলুৱৈ হিচাপেও পৰিগণিত হয়।
ফুটবল বিশ্বকাপ জয়ৰ বাবে স্পেইনে লাভ কৰে ফিফা ৪৮১ কোটি টকাৰ পুৰস্কাৰ। আনহাতে আৰ্জেণ্টিনাই লাভ কৰিছিল প্ৰায় ২৮০ কোটি টকা। আৰ্জেণ্টিনা আৰু স্পেইনেও প্ৰতিটো ৰাউণ্ডৰ বাবে যোগ্যতা অৰ্জনৰ বাবে সুকীয়াকৈ ধন লাভ কৰিছিল।
(এই প্ৰতিবেদন যুগুতাইছে বৰষা মিশ্ৰই)
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
