কৰ্নাটকৰ প্ৰাক্তন DGPৰ সৈতে ভয়ংকৰ ঘটনা, পত্নীৰ ওপৰত সন্দেহ, আৰক্ষীৰ আটক
দেশ জোকাৰি যোৱা এক ঘটনা। কৰ্ণাটকৰ ৰাজধানী বেংগালুৰুৰ পৰা আহিছে এই ঘটনা। বেংগালুৰুত কৰ্ণাটকৰ প্ৰাক্তন ডিজিপি ওম প্ৰকাশৰ হত্যা। হত্যাৰ সন্দেহ পত্নীৰ ওপৰত। পত্নীয়ে ডিজিপি ওম প্ৰকাশক ছুৰীৰে আঘাত কৰি হত্যা কৰাৰ সন্দেহ।
দেওবাৰ ২০ এপ্ৰিল তাৰিখে সংঘটিত হয় এই ঘটনা । আৰক্ষীয়ে দেওবাৰে উদ্ধাৰ কৰে ডিজিপি গৰাকীৰ মৃতদেহ।
আৰক্ষীয়ে ইতিমধ্যে ঘটনা সন্দৰ্ভত পত্নীক আটক কৰিছে, অৱশ্যে আৰক্ষীয়ে এতিয়াও বিষয়টোৰ তদন্ত অব্যাহত ৰাখিছে। ডিজিপিগৰাকীৰ মৃতদেহ বেংগালুৰুৰ এইচ এছ আৰ লেআউটত থকা তেওঁৰ বাসগৃহৰ পৰা উদ্ধাৰ কৰিছে।
ঘটনাৰ সময়ত ঘৰতে উপস্থিত আছিল ডিজিপিৰ পত্নী আৰু কন্যা। পত্নীয়েই ফোন কৰি এই বিষয়ে আৰক্ষীক অৱগত কৰিছিল।
আৰক্ষীয়ে ঘটনাৰ বিষয়ে জানিব পৰাৰ লগে লগে ঘটনাস্থলীত উপস্থিত হৈ তেজেৰে লুতুৰি পুতুৰি হৈ থকা অৱস্থাত উদ্ধাৰ কৰে ডিজিপি গৰাকীৰ নিথৰ দেহ।
বেংগালুৰুৰ এইচ এছ আৰ লেআউটত পৰিয়ালৰ সৈতে বাস কৰিছিল প্ৰাক্তন ডি জি পি ওম প্ৰকাশ। দেওবাৰে বিয়লি তেওঁৰ বাসগৃহত উদ্ধাৰ হয় তেওঁৰ মৃতদেহ। গোচৰটোৰ তদন্ত অব্যাহত আছে। প্ৰাথমিক তদন্তত প্ৰকাশ পাইছে হত্যা কৰা হৈছে ডিজিপিক।
আৰক্ষীয়ে সন্দেহ কৰিছে যে প্ৰাক্তন ডিজিপি ওম প্ৰকাশক পত্নীয়ে হত্যা কৰিছিল, কিয়নো তেওঁৰ পত্নী আৰু কন্যা ঘৰৰ ড্ৰয়িং ৰূমতে আছিল। ইফালে আৰক্ষীৰ সূত্ৰই জনোৱা মতে, পত্নীয়েই আৰক্ষীক ফোন কৰি হত্যাকাণ্ডৰ বিষয়ে অৱগত কৰিছিল যদিও আৰক্ষীৰ দলটোৱে তেওঁলোকৰ ঘৰত উপস্থিত হোৱাৰ লগে লগে দুৱাৰখন খুলিবলৈ অস্বীকাৰ কৰে।
উল্লেখ্য যে ১৯৮১ বেটচৰ ৬৮ বছৰীয়া আই পি এছ বিষয়া ওম প্ৰকাশ বিহাৰৰ চম্পাৰাণৰ বাসিন্দা আছিল। ২০১৫ চনৰ ১ মাৰ্চত তেওঁক আৰক্ষী সঞ্চালক প্ৰধান হিচাপে নিযুক্তি দিয়া হৈছিল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
