বিনামূলীয়া আধাৰ সংশোধনৰ সময়সীমা আৰু এবাৰ বৃদ্ধি কৰিলে ইউনিক আইডেণ্টিফিকেছন অথোৰিটি অৱ ইণ্ডিয়াই৷ ১৪ ছেপ্টেম্বৰ পৰ্যন্ত বিনামূলীয়া আধাৰ আপডেটৰ দিন ধাৰ্য্য কৰা আছিল৷ কিন্তু সেই সময়সীমা আৰু তিনিমাহলৈ বৃদ্ধি কৰি ১৪ ডিচেম্বৰ পৰ্যন্ত কৰা হৈছে৷ অৰ্থাৎ এই বছৰ ডিচেম্বৰ মাহৰ মাজভাগলৈকে বিনামূলীয়াকৈ আধাৰ আপডেট কৰিব পাৰিব আপুনি৷ আধাৰ কাৰ্ডত যদি কোনো ভুল থাকে তেন্তে আধাৰ আপডেট এই সময়ৰ ভিতৰতেই কৰি লওক৷ যেনে কোনো তথ্যগত ভুল, ঠিকনা বা মোবাইন নম্বৰ সলনি, বায়মেট্ৰিক আপডেটো কৰিব পাৰে৷ ১৪ ডিচেম্বৰৰ পাছত আধাৰ আপডেট কৰিবলৈ গ’লে আপুনি নিৰ্দিষ্ট মূল্য দিব লাগিব৷ কোনো পৰিবৰ্তনৰ ক্ষেত্ৰত কিমান চাৰ্জ দিব লাগিব, লগতে কেনেকৈ কৰিব আপডেট জানি থওক সবিশেষ৷
আধাৰ কাৰ্ডৰ নাম বা ঠিকনা পৰিবৰ্তনৰ বাবে ৰেচন কাৰ্ড, ভোটাৰ কাৰ্ড, পাছপোৰ্ট, ড্ৰাইভিং লাইছেন্স বা চৰকাৰে ইছ্যু কৰা কোনো পৰিচয়পত্ৰ গ্ৰাহ্য হ’ব৷ আধাৰ পৰিসেৱা কেন্দ্ৰলৈ গৈ আপুনি আধাৰ সংশোধনৰ কাম কৰিব পাৰে৷ আকৌ অনলাইনতো আপডেট কৰিব পাৰে৷
কেনেকৈ কৰিব আপডেট?
১. //myaadhaar.uidai.gov.in ৱেবচাইটলৈ যাওক৷ তাতেই আধাৰ নম্বৰ আৰু আধাৰৰ সৈতে ৰেজিষ্টাৰ কৰা মোবাইললৈ অহা অটিপি দি লগ ইন কৰক৷
২. ইয়াৰ পাছতেই নিজৰ প্ৰফাইল পৰিচয়পত্ৰ আৰু ঠিকনা পৰীক্ষা কৰক৷
৩. তাত কোনো তথ্য যদি ভুল থাকে তেন্তে ‘I verify that the above details are correct’ লিখা টেবত ক্লিক কৰক৷
৪. যদি কোনো ভুল থাকে তেন্তে ড্ৰপ ডাউনৰ পৰা কোনটো ডকুমেণ্ট আপুনি আপলোড কৰিব খুজে সেয়া চিলেক্ট কৰক৷
৫. সেই ডকুমেণ্ট আপলোড কৰক৷ যি ফাইল আপলোড কৰিব তাৰ চাইজ ২এম বিতকৈ সৰু হ’ব লাগিব৷ নথি, পিডিএফ বা জেপিজি ফৰমেটত থাকিব লাগিব৷
৬. আপলোডৰ পাছত আপুনি সন্মতি দিলেই সেয়া জমা হৈ পৰিব৷
বিনামূলীয়া সময়কালৰ মাজত আপডেট নকৰিলে পৰবৰ্তী সময়ত কৰিলে ধন দিব লাগিব৷ অৱশ্যে ৫-৭ বছৰ বয়সীয়া আৰু ১৫-১৭ বছৰ বয়সীয়াসকলৰ বাবে বিনামূলীয়া পৰিসেৱা লাভ কৰিব৷ কিন্তু অন্যসকলৰ আধাৰ পৰিবৰ্তনৰ বাবে নূন্যতম ১০০ টকা জমা দিব লগা হ’ব৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
