অসম লাইভ ২৪ঃ পেট্ৰ’লৰ মূল্যই চেঞ্চুৰী পাৰ কৰিছে। তেনে সময়তে বিনামূলীয়াকৈ ১ লিটাৰ পেট্ৰ’ল পোৱাটো সৰু কথা নহয়। সেয়ে বিনামূলীয়া পেট্ৰ’ল নিবলৈ বিজেপিৰ কর্মকর্তাৰ মাজত লাগে খোৱা-কামোৰা। আনকি মাৰপিটতো লিপ্ত হয় তেওঁলোক। অৱশেষত আৰক্ষীয়ে লাঠীচার্জ কৰি নিয়ন্ত্ৰণ কৰিবলগীয়া হয় পৰিস্থিতি। ঘটনা উত্তৰ প্ৰদেশৰ। ৭৫ সংখ্যক স্বাধীনতা দিৱস উপলক্ষে বিজেপি বিধায়ক সঞ্জয় কুমাৰ গুপ্তাই আয়োজন কৰিছিল ‘ত্ৰিৰংগা যাত্ৰা’ৰ। এই যাত্ৰাত মানুহ গোটাৱাৰ উদ্দেশ্যৰে বিধায়কগৰাকীয়ে যাত্ৰাত অংশগ্ৰহণকাৰীসকলক ১ লিটাৰকৈ বিনামূলীয়াকৈ পেট্ৰ’ল দিয়াৰ কথা ঘোষণা কৰিছিল। দিনৰ ৩ বজাত আৰম্ভ হ’বলগীয়া ত্ৰিৰংগা যাত্ৰাৰ পূর্বে হাজাৰোধিক বটলত প্ৰেট্ৰ’ল ভৰাই খোলা আকাশৰ তলতে এখন স্কুল চৌহদত ৰাখিছিল। ফ্ৰী পেট্ৰ’লৰ কথা শুনি হাজাৰ হাজাৰ বিজেপি কর্মীয়ে ত্ৰিৰংগা যাত্ৰাত ভাগ ল’বলৈ স্কুল চৌহদত উপস্থিত হয় আৰু পেট্ৰ’ল লোৱাৰ বাবে খোৱা-কামোৰা লাগে। কেৱল সেয়াই নহয় মাৰপিটতো লিপ্ত হয় তেওঁলোক। অৱশেষত পৰিস্থিতি নিয়ন্ত্ৰণৰ বাবে আৰক্ষীয়ে লাঠীচার্জ কৰে। ইপিনে পেট্ৰ’ল বিতৰণ তথা মাৰপিট সম্বন্ধে বিধায়ক সঞ্জয় কুমাৰ গুপ্তাক সোধা প্ৰশ্নত বিধায়কগাৰীকেয় ইয়াৰ বাবে বিৰোধী দল দায়ী বুলি উল্লেখ কৰে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
