অসম লাইভ২৪ঃ বিগ বছ-১৭ ঘৰত অভিনেত্ৰী অংকিত লোখাণ্ডে আৰু বিকি জৈনৰ মনোমালিন্যৰ কথাবোৰক লৈ চলিছে চৰ্চ। ২০২১ চনত বিকিব সৈতে বিবাহপাশত আৱদ্ধ হৈছে অংকিতা। বিবাহৰ দুবছৰৰ পাছতেই ‘বিগ বছ-১৭’ত একেলগে প্ৰৱেশ কৰিছে অংকিতা-বিকিয়ে। ছলমানৰ বিতৰ্কিত ৰিয়েলিটি শ্বত এই প্ৰেমিক যুঁটিটোক দেখা গৈছে অন্যৰূপত। অনুৰাগীয়ে আশা কৰিছিল যে, দুয়োৰে প্ৰেমৰ কথাবোৰ দৰ্শকে দেখিব। কিন্তু বিগ বছৰ ঘৰত দেখা গৈছে অংকিতা আৰু বিকিৰ কাজিয়াৰ অংশহে। এই কাজিয়া দেখিয়েই বহুতে ধাৰণা কৰিছে যে এই সংসাৰ আৰু বেছি দিন টিকি নাথাকে। বিগ বছৰ ঘৰতেই ভাঙি যাব দুয়োৰে সংসাৰ।
‘বিগ বছৰ ঘৰত সকলোৰে নজৰ কাঢ়িছে এতিয়া দুয়োৰে কাজিয়াই। পেছাত ব্যৱসায়ী বিকিৰ জীৱনধাৰণ পদ্ধতি বেছ ৰঙীন। ছত্তিছগড়ৰ ৰায়পুৰত জন্ম বিকি এগৰাকী প্ৰতিষ্ঠিত পৰিয়ালৰ সন্তান। বিকিয়েও ব্যৱসায়ৰ সৈতেই জড়িত। পিতৃৰ সৈতে মিলি কয়লাখনিৰ ব্যৱসায় চম্ভালি আছে বিকিয়ে। বিকি মহাবীৰ গ্ৰুপৰ মেনেজিং ডাইৰেক্টৰ পোষ্টত আছে। বিলাসপুৰৰ মহাবীৰ গ্ৰুপে কয়লা, হীৰা, ৰিয়েল ষ্টেট, গাড়ীৰ ব্যৱসায়, পাৱাৰ প্লেণ্টৰ ব্যৱসায়ো জড়িত হৈ আছিল। প্ৰায় ১০০ কোটিৰ সম্পত্তি আছে বিকিৰ পৰিয়ালৰ।
মুম্বাই চহৰত প্ৰায় ৮টা কোঠাৰ এখন বিলাসবহুল ফ্লেটত পত্নী অংকিতাৰ সৈতে থাকে বিকি। সেই ঘৰৰ ভিতৰৰ সাজসজ্জা একেবাৰেই ৰাজকীয়। বিলাসবহুল হোটেলেও হাৰ মানে বিকিৰ এই ফ্লেটৰ ওচৰত। সকলো থাকিলেও এই ফ্লেটত কিন্তু নিৰস জীৱন কটাই আছে অংকিতাই। প্ৰায় প্ৰতিসময়তেই অংকিতা এই ফ্লেটত অকলেই থাকে। কামৰ বাবে বিকিয়ে বেছিভাগ সময়তেই বিলাসপুৰত থাকে। ইয়াৰোপৰি মুম্বাইত আৰু এটা ৩কোঠালীৰ ফ্লেট আছে বিকিৰ। বিলাসপুৰতো এটি বাংলো আছে বিকিৰ। বেছিভাগ সময়তেই বিলাসী জীৱন কটোৱা দেখা যায় বিকিক। বিকিয়ে সকলোসময়তে পৰিধান কৰে গুচি, লুই ভিটোৰ দৰে দামী দামী ব্ৰেণ্ডৰ পোছাক, জোতা। গাড়ীৰো বিশেষ চখ আছে বিকিৰ। লেণ্ড ক্ৰুজাৰ আৰু মাৰ্ছিডিছ বেনজেৰেই তেওঁ বেছিভাগ সময় ঘূৰি ফুৰে। ইয়াৰোপৰি অংকিতাৰ আছে এটি জাগুৱাৰ এক্সএফ আৰু এখন পৰ্ছে ৭১৮।
বিগ বছৰ ঘৰত অংকিতা-বিকিৰ তুমুল অশান্তি দেখি দৰ্শকৰ কোনো কোনোৱে কৈছে, বিকিৰ সৈতে অংকিতাৰ প্ৰেম নাই। বিগ বছৰ ঘৰত কোনো সিদ্ধান্ততেই একমত নহয় এই দম্পত্তি। দুয়োৰে মতৰ অমিল দেখি একাংশই কৈছে বিকিৰ সম্পত্তি দেখিয়েই বিয়া কৰাইছে অংকিতাই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
