জুবিন গাৰ্গৰ মৃত্যুৰ পাছত প্ৰথমবাৰলৈ সংবাদমেল সম্বোধন কৰিছে জুবিন পত্নী গৰিমা শইকীয়া গাৰ্গ আৰু ভগ্নী পামী বৰঠাকুৰে৷
গৰিমা গাৰ্গে কৈছে- সকলোকে পোনপ্ৰথমে নৱবৰ্ষৰ শুভেচ্ছা জনাইছো৷ বহুত দুখ মনত লৈয়ো আমি আগবাঢ়িব খুজিছো৷ এই ন্যায় প্ৰক্ৰিয়াত আমি সকলোৱে সততাৰে আগবাঢ়িলেহে ন্যায় প্ৰতিষ্ঠা হ’ব৷ যুৱশ্ৰষ্টা তথা প্ৰাণৰ জুবিনৰ বাবে, তেওঁৰ আদৰ্শৰ বাবে, সপোনৰ বাবে আমি আগুৱাই যাব লাগিব৷ মোক মনত ৰখাতকৈ মোৰ সৃষ্টিখিনিক মনত ৰাখিলে ভালপাম বুলি জুবিনে কৈ গৈছে৷ জুবিন গাৰ্গক মই একেবাৰে কাষৰ পৰা দেখিছো৷ জুবিনে গাৰ্গে জীৱনৰ ধুমুহাত কেনেকৈ ভাঙি নপৰাকৈ ঠিয় হৈ আছিল সেয়া দেখিছিলো৷ জুবিন গাৰ্গে ধুমুহাত সৃষ্টি স্তব্ধ কৰি দিয়া নাছিল৷ সৃষ্টিৰেই তেওঁ আগুৱাই গৈ আছিল৷
জুবিনকো সেয়ে আমি কামৰ মাজেৰে জীয়াই ৰাখিব লাগিব৷ আৱেগিক হৈছো যদিও জুবিন গাৰ্গৰ বাবে ওলাই আহিছো৷ আমি জুবিন গাৰ্গৰ বাবে প্ৰথমটো পদক্ষেপ ল’বলৈ ওলাই আহিছো৷ জুবিন গাৰ্গ নামৰ এটা ট্ৰাষ্ট আজি মুকলি কৰিছো৷ এই ট্ৰাষ্টে জুবিনৰ খাৰঘূলিৰ ঘৰ আমি ট্ৰাষ্টৰ নামত দি দিবলৈ ওলাইছো৷ তাত জুবিন গাৰ্গৰ সৃষ্টিৰাজীৰ আলোচনা হ’ব৷’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
