তেলেংগানাত ভয়ংকৰ দুৰ্ঘটনা, লাইনচ্যুত ১১ টাকৈ ডবা, যাৰ ফলত বাতিল ৩০ খন ট্ৰেইন
তেলেংগানাত ভয়ংকৰ দুৰ্ঘটনা, লাইনচ্যুত ১১ টাকৈ ডবা, যাৰ ফলত বাতিল ৩০ খন ট্ৰেইন
আজি ১৩ নৱেম্বৰ তাৰিখ বুধবাৰে তেলেংগানাৰ পেড্ডাপল্লী জিলাত সংঘটিত হয় এক ৰে’ল দুৰ্ঘটনা। ৰাঘৱপুৰম আৰু ৰামাগুণ্ডামৰ মাজত ৰেললাইনৰ পৰা বাগৰি পৰে এখন মালবাহী ৰে’ল। মুঠ ১১ টাকৈ ডবা লাইনচ্যুত।
দুৰ্ঘটনাত পতিত এই ৪৪ ৱেগন ৰে’ল খনৰ ১১টা ডবা ৰেলপথৰ পৰা ওলাই বাগৰি পৰে। এই ৰেলখন গাজিয়াবাদৰ পৰা কাজিপেটলৈ গৈ আছিল লোহাৰ অক্সাইড কঢ়িয়াই। যোৱা নিশা সংঘটিত এই দুৰ্ঘটনাটোৰ বিষয়ে আজি পুৱা পোহৰলৈ আহে।
ৰে’ল বাগৰি পৰাৰ ফলত সেই ৰেল পথত বহু ৰেলৰ যাতায়তত বাঘ্যাত জন্মিছে। সেই পথত চলি থকা ৩০খনতকৈও অধিক ৰে’ল বাতিল কৰিছে ৰেল বিভাগে। বহু ৰে’লৰ পথ সলনি কৰা হৈছে।
এই দুৰ্ঘটনাটোৰ ফলত বিশেষভাৱে ক্ষতিগ্ৰস্ত হৈছে দিল্লী-চেন্নাইৰ মাজত ৰে’ল যাতায়ত। দুৰ্ঘটনাটোৰ বাবে ছুপাৰফাষ্ট এক্সপ্ৰেছ ৰে’ল, যাত্ৰীবাহী ৰে’ল আৰু অন্যান্য মালবাহী ৰে’লসমূহো ট্ৰেকত আবদ্ধ হৈ থাকে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
