গ্ৰীষ্মকাল আহি আছে৷ গ্ৰীষ্মকালত শীতপ্ৰবাহৰ পৰা বাচিবলৈ বাহনেৰে যাত্ৰা কৰা যাত্ৰীয়েও অনবৰতে বাহনত এ চি অন ৰাখিবলগীয়া হয়৷ এ চি অন কৰা মানেই ইন্ধনো বেছি লাগে৷ গ্ৰীষ্ম প্ৰবাহৰ পৰা বাচিবলৈ বাহনত এচি লগোৱাৰ পৰিবৰ্তে এক বিকল্প ব্যৱস্থা নিজেই কৰি লৈছে এগৰাকী মহিলাই৷ নিজৰ বাহনৰ চাৰিওদিশে মহিলাগৰাকীয়ে দি লৈছে গোবৰৰ প্ৰলেপ৷ গোবৰৰ প্ৰলেপ দিলে এয়াৰ কণ্ডিচনাৰ অবিহনেও শীতলতা অনুভৱ কৰিব বুলি জনাইছে মহিলাগৰাকীয়ে৷
চেজল শ্বাহ নামৰ মহিলাগৰাকীয়ে টয়টাৰ এল্টিছ বাহনৰ সৈতে এখন ফটো শ্বেয়াৰ কৰি এই তথ্য দিছে৷ তেওঁৰ এই ফটো দেখা মাত্ৰকেই সামাজিক মাধ্যমত আৰম্ভ হৈছে চৰ্চা৷ বগা টয়োটাৰ বাহনখনৰ চাৰিওফালে লেপি দিয়া হৈছে গোবৰৰ প্ৰলেপ৷ মাজে মাজে গোবৰৰ প্ৰলেপেৰেই ফুলো আঁকি দিয়া হৈছে৷
তেওঁৰ মতে গোলকীয় উষ্ণতা বৃদ্দিয়ে বৃহৎ সমস্যাৰ সৃষ্টি কৰিছে যাৰবাবে এইধৰণে তেওঁ এয়াৰ কণ্ডিছনৰ সলনি নিজা আইডিয়াৰে বাহনখন শীতল কৰা বুলিও মন্তব্য প্ৰকাশ কৰিছে৷
সংবাদ সংস্থা এ এন আইক কয় যে এই বাহনখনে তেওঁকেই শীতলতা অনুভৱ কৰোৱা নাই৷ তেওঁ এইদৰে প্ৰলেপ দিয়াৰ বাবে প্ৰদূষণ ৰোধতো ই সহায়ক হৈছে৷ আমাৰ বাহনত এ চি ব্যৱহাৰ কৰাৰ সময়ত নিৰ্গত হোৱা ক্ষতিকাৰক গেছে উষ্ণতা বৃদ্ধি কৰে আৰু গোলকীয় উষ্ণতা বৃদ্ধিতো অৰিহনা যোগাই৷ তেওঁ লগতে কয় যে, এই ধাৰণাটো তেওঁৰ মনলৈ আহিছে ঘৰৰ বেৰসমূহত দি থোৱা গোবৰৰ প্ৰলেপৰ পৰা৷ গোবৰেৰে লেপি ৰখা ঘৰত পকী ঘৰতকৈ গৰম কম হয়৷ সেয়ে তেওঁ বাহনত এনে প্ৰলেপ দিছে৷ গোবৰৰ প্ৰলেপে গ্ৰীষ্মকালত শীতল আৰু শীতকালত উষ্ণ কৰি ৰখাত সহায় কৰে৷
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
