অসম লাইভ২৪ঃ আজি বলীউড অভিনেত্ৰী দীপিকা পাডুকনৰ ওপজা দিন। শ্বাহৰুখ খানৰ বিপৰীতে ‘ওম শান্তি ওম’ ছবিৰে বলীউডত আত্মপ্ৰকাশ কৰিছিল দীপিকাই। প্ৰথমখন ছবিয়ে দীপিকাৰ চুপাৰহিট হৈছিল। তাৰপাছত দীপিকাই আৰু বৰ্তমানলৈ উভতি চাব লগা হোৱা নাই। বৰ্তমান বলীউডৰ প্ৰথম শাৰীৰ অভিনেত্ৰীৰ তালিকাত দীপিকাৰ নাম ল’বলৈ বাধ্য প্ৰতিগৰাকী লোকেই।
বলীউডৰ ছবিত অভিনয় কৰাৰ পূৰ্বে কি কৰিছিল দীপিকাই? অভিনয়ত কেৰিয়াৰ আৰম্ভ হোৱাৰ পূৰ্বে সৰু পৰ্দাত দৰ্শকৰ পৰিচিত অভিনেত্ৰী আছিল দীপিকা। ইয়াৰোপৰি একাধিক বিজ্ঞাপনত কাম কৰিছিল দীপিকাই। এই সমূহ বিজ্ঞাপন প্ৰতিগৰাকী দৰ্শকে নিশ্চয় দেখিছে। অভিনেত্ৰী দীপিকাৰ প্ৰথম জনপ্ৰিয় বিজ্ঞাপন কি আছিল?
২০০০ চনতেই বিজ্ঞাপন জগতত দীপিকা জনপ্ৰিয় হৈছিল। দীপিকাৰ প্ৰথম জনপ্ৰিয় বিজ্ঞাপন আছিল এটা টুথপেষ্টৰ বিজ্ঞাপন। তাৰপাছত দেশৰ একাধিক নামী-দামী ব্ৰেণ্ডৰ বিজ্ঞাপন কৰিছে দীপিকাই। কেতিয়াবা যদি শীতল পানীয়ৰ বিজ্ঞাপন কৰিছে কেতিয়াবা পোছাকৰ বিজ্ঞাপনত দেখা গৈছে দীপিকাক। মডেলিঙৰ জগততো আছে দীপিকাৰ বিশেষ দখল। মৰম লগা হাঁহি, ডিম্পল পৰা গালেই প্ৰতিগৰাকী দৰ্শকেই দীপিকাক চাবৰ বাবে আগ্ৰহী কৰি তোলে। বিজ্ঞাপন আৰু মডেলিঙৰ জগতত বিশেষ স্থান দখল কৰাৰ বাবেই ৰূপালী পৰ্দাত দীপিকা জনপ্ৰিয় হৈ উঠাৰ বাবে বিশেষ সময়ৰ প্ৰয়োজন নহ’ল।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ