অসম লাইভ২৪ঃ ছেমিফাইনেলত ইংলেণ্ডৰ বিৰুদ্ধে আকৰ্ষণীয় খেল দেখুৱালে হাৰ্দিক পাণ্ডিয়াই। পাণ্ডিয়াই দেখুওৱা খেলেৰে ভাৰতে ১৬৯ৰ লক্ষ্য বান্ধি দিছে ইংলেণ্ডক। ৩৩ টা বলত ৬৩ ৰান কৰিলে পাণ্ডিয়াই। ইনিংছৰ শেষ অভাৰত এটা ছিক্স আৰু ৪টাকৈ ফ’ৰ কোবাই পাণ্ডিয়াই। হাৰ্দিকে শেষৰ বলটোত হিট উইকেট হয়।
বিশ্বকাপৰ ছেমিফাইনেলত নমাৰ পূৰ্বে ভিতৰি ভিতৰি উত্তেজিত হৈ আছিল পাণ্ডিয়া। কিন্তু বাহিৰত তেওঁ প্ৰায়ে শান্ত হৈ থাকে। গুৰুত্বপূৰ্ণ মেচখনত নমাৰ পূৰ্বে পাণ্ডিয়াই আৱেগক কেনেদৰে নিয়ন্ত্ৰণ কৰে সেই সম্পৰ্কে প্ৰকাশ কৰিছে। ইংলেণ্ডৰ সৈতে খেলত নমাৰ পূৰ্বে হাৰ্দিকে কৈছিল, ‘ বিশ্বকাপৰ ছেমিফাইনেল সহজ কথা নহয়। ভিতৰি ভিতৰি মই খুবেই উত্তেজিত হৈ আছো। খেলখনৰ প্ৰত্যেকটো সময়েই গুৰুত্বপূৰ্ণ। সেয়ে উত্তেজিত হোৱাতকৈ শান্ত হৈ থকাটোহে প্ৰধান কথা। খেলৰ কথাকেই পোনতে চিন্তা কৰিছো।’
ইয়াৰোপৰি আৱেগ নিয়ন্ত্ৰণ সম্পৰ্কত কয়, ‘মোক বহুতেই সুধিছিল কঠিন সময়ত নিজকে কেনেকৈ শান্ত ৰাখো। অনুশীলনৰ ওপৰতেই খেল একোখন নিৰ্ভৰশীল। সময়ত ভালধৰণে অনুশীলন কৰিলে আত্মবিশ্বাস বাঢ়ি যায়। আত্মবিশ্বাস থাকিলে নিজৰ আৱেগ নিয়ন্ত্ৰণত ৰাখিব পাৰি।’
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
