হাৰিয়ানা নিৰ্বাচনত বিনেশ ফোগাতৰ পাছত এইবাৰ লেডী খালী
১২ ছেপ্টেম্বৰ কাইলৈ বৃহস্পতিবাৰে হাৰিয়ানা বিধানসভা নিৰ্বাচনৰ বাবে মনোনয়নৰ অন্তিম তাৰিখ। ভাৰতীয় জনতা পাৰ্টি, কংগ্ৰেছকে ধৰি সকলো দলে প্ৰাৰ্থীৰ নাম চূড়ান্ত কৰি আছে। আটাইতকৈ আকৰ্ষণীয় প্ৰতিযোগিতাখন ৰাজ্যখনৰ জুলানাৰ আসনত অনুষ্ঠিত হোৱাৰ সম্ভাৱনা বৃদ্ধি পাইছে।
জুলানা আসনত কংগ্ৰেছে মল্লযুঁজাৰু বিনেশ ফ’গাটক প্ৰাৰ্থী হিচাপে প্ৰক্ষেপ কৰিছে। আনহাতে বিজেপিয়ে মঙলবাৰে এই আসনৰ পৰা কেপ্তেইন যোগেশ বৈৰাগীক নিজৰ প্ৰাৰ্থী হিচাপে নিৰ্বাচিত কৰিছে। বুধবাৰে আম আদমী পাৰ্টিয়েও নিজৰ দলৰ প্ৰাৰ্থীৰ নাম ঘোষণা কৰে।
আপে এই সমষ্টিত লেডী খালি খ্যাত কবিতা দলালক প্ৰাৰ্থী হিচাপে নিৰ্বাচিত কৰিছে। যাৰ ফলত সমষ্টিটোত প্ৰতিযোগিতাখন অতি আকৰ্ষণীয় কৰি তুলিছে। এই নিৰ্বাচনত জেজেপিৰ পৰাও প্ৰতিদ্বন্দ্বিতা আগবঢ়াইছে অমৰজীত ধনদাই।
জুলানা আসনত ত্ৰিকোণীয় প্ৰতিযোগিতাৰ সম্ভাৱনা বৃদ্ধি পাইছে। কংগ্ৰেছৰ প্ৰাৰ্থী, বিজেপিৰ প্ৰাৰ্থী আৰু আপৰ প্ৰাৰ্থীৰ মাজত এই নিৰ্বাচনী যুঁজ দেখিবলৈ পোৱা যাব।
WWE ৰ মল্লযুঁজাৰু সমগ্ৰ বিশ্বতে লেডী খালী খ্যাত কবিতাই আম আদমী পাৰ্টীৰ হৈ নিৰ্বাচনত অৱতীৰ্ণ হবলৈ ওলাইছেষ। কবিতা জুলানা সমষ্টিৰেঅ মালভি গাঁৱৰ বাসিন্দা। ছুৰিদাৰ পিন্ধি WWE ৰিঙত প্ৰৱেশ কৰা কবিতাৰ আছে এক সুকিয়া পৰিচয়।
কবিতা দলালে দ্বাদশ এছিয়ান গেমছত ভাৰোত্তোলনত স্বৰ্ণ পদক লাভ কৰিছিল। ২০২২ চনত ৰাজনীতিত প্ৰৱেশ কৰি আম আদমী পাৰ্টিত যোগদান কৰিছিল। আপত যোগদান কৰি কবিতাই কৈছিল অৰবিন্দ কেজৰিৱালৰ ওপৰত অতিশয় আপ্লুত। দলটোৱে কবিতাক যি দায়িত্ব দিব, সেই দায়িত্ব পালন কৰিব। এতিয়া নিৰ্বাচনৰ মঞ্চত বিনেশ ফ’গাটক কবিতাই টক্কৰ দিব পাৰে নে নাই সেয়াহে লক্ষণীয় হ’ব।
অৱশ্যে জুলানা সমষ্টিত এতিয়া প্ৰায় সকলোৰে মুখে মুখে এটাই নাম। সেয়া হৈছে বিনেশ ফোগাট। জনপ্ৰিয়া প্ৰাৰ্থী হৈ পৰিছে বিনেশ । বিনেশৰ জয়ৰ আশাও অন্য প্ৰাৰ্থীৰ তুলনাত অধিক। সমষ্টিটোত বিনেশৰ জৰিয়তে কংগ্ৰেছে আসন খন লাভ কৰিব বুলি বহু লোকে এতিয়া মন্তব্য কৰি আছে।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
