অসম লাইভ ২৪ঃ গুৱাহাটীৰ হেল্থ চিটী হাস্পতালত ‘ডে কেয়াৰ কেম’ ইউনিট’ মুকলি। ৩০ খন বিচনাযুক্ত এই কেম’ ইউনিট মুকলি কৰে হেল্থ চিটী হাস্পতালৰ সঞ্চালক ডাঃ অতনু বৰঠাকুৰ আৰু অধীক্ষক ডাঃ হেমজিৎ তালুকদাৰে। কেন্সাৰ ৰোগীসকলৰ সুবিধাৰ প্ৰতি লক্ষ্য ৰাখি খানাপাৰাস্থিত হেল্থ চিটী হাস্পতালত ‘ডে কেয়াৰ কেম’ ইউনিট’ মুকলি কৰাৰ কথা ব্যক্ত কৰে হাস্পতালৰ ফেচিলিটি ডাইৰেক্টৰ পৰাগজ্যোতি দত্তই। অসম তথা উত্তৰ-পূৰ্বাঞ্চলৰ খ্যাতিনামা কেন্সাৰ ৰোগ বিশেষজ্ঞ ডাঃ ভাৰ্গৱ শইকীয়াৰ নেতৃত্বত পৰিচালিত হ’ব এই ইউনিট। অসমকে ধৰি উত্তৰ-পূৰ্বাঞ্চলত দ্ৰুত গতিত বৃদ্ধি পাইছে কেন্সাৰ ৰোগীৰ সংখ্যা। কেম’ থেৰাপীৰ বাবে দীৰ্ঘ সময় ধৰি অপেক্ষা কৰিবলগীয়া হয় ৰোগীসকলে। হেল্থ চিটী হাস্পতালৰ এই পদক্ষেপে কেন্সাৰ ৰোগীসকলক কিছু হ’লেও সকাহ দিব বুলি আশা প্ৰকাশ কৰে পৰাগজ্যোতি দত্তই।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
