অসম লাইভ ২৪ঃ কোভিডৰ বিৰুদ্ধে যুঁজিবলৈ ইজৰাইলে তৈয়াৰ কৰিছে উৎকৃষ্ট মানৰ ভেকচিন। বৃহস্পতিবাৰে এই কথা দাবী কৰে ইজৰাইলে। ‘ইজৰাইল ইনষ্টিটিউট অৱ বায়’লজিকেল ৰিচাৰ্জ’(IIBR)ত ইজৰাইলৰ বিজ্ঞানীয়ে তৈয়াৰ কৰিছে এই ভেকচিন। বৰ্তমান নিয়ন্ত্ৰক প্ৰক্ৰিয়া চলি আছে ভেকচিনবিধৰ, যিসমূহ কিছুদিনৰ পাছত মানৱ শৰীৰত পৰীক্ষণ কৰা হ’ব। ইজৰাইলৰ প্ৰতিৰক্ষা মন্ত্ৰী বেনী গেণ্টজে ‘ইজৰাইল ইনষ্টিটিউট অৱ বায়’লজিকেল ৰিচাৰ্জ’(IIBR) পৰিদৰ্শন কৰে। IIBRৰ অধীক্ষক প্ৰফেচাৰ চেমুৱেল চাপিৰাক সাক্ষাৎ কৰি ভেকচিনৰ প্ৰস্তুতকৰণৰ অগ্ৰগতি সন্দৰ্ভত বুজ লয়। খুব সোনকালেই ভেকচিনবিধ ৰাইজৰ বাবে মুকলি কৰিব বুলি উল্লেখ কৰে চেমুৱেল চাপিৰাই। চেমুৱেল চাপিৰাই এক প্ৰেছ বিবৃতিযোগে কয়, এক উৎকৃষ্ট ভেকচিন, বৰ্তমান নিয়ন্ত্ৰক প্ৰক্ৰিয়া চলি আছে ভেকচিনবিধৰ। প্ৰধানমন্ত্ৰী আৰু প্ৰতিৰক্ষামন্ত্ৰীয়ে উল্লেখিত সময়সীমাৰ ওপৰত ভিত্তি কৰি ভেকচিন মুকলি কৰা হ’ব। শৰতৰ বন্ধৰ পাছত সুৰক্ষিত আৰু কাৰ্যকৰীভাৱে আৰম্ভ কৰিব ভেকচিনেচন প্ৰক্ৰিয়া।
এনেধৰণৰ অন্যান্য বা-বাতৰিৰ বাবে লাইক কৰক অসম লাইভ ২৪ ৰ ফেচবুক পেজ
